वालिङ,६ मङ्सिर– राष्ट्रिय स्वतन्त्र पार्टी स्याङ्जाले पुन मतदानको माग गरेको छ । राष्ट्रिय स्वतन्त्र पार्टी निर्वाचन परिचलन समिति क्षेत्र नम्बर २ ले एक विज्ञप्ति राजरी गर्दै यहि मङ्सिर ४ गते भएको निर्वाचनमा क्षेत्र नम्बर २ का बिभिन्न ठाउँमा अनियभितता र धाधली भएको सन्दर्भमा राष्ट्रिय स्वतन्त्र पार्टीको गम्भिर ध्यान आकर्षण भएको विज्ञप्तिमा जनाइएको छ ।

राष्ट्रिय स्वतन्त्र पार्टीको जन्म नै विकृती, विसङ्ती र अराजकताका विरुद बुलन्द रुपमा आवाज उठाई देशमा सुशासन ल्याउनका लागि भएको बताउदै यस्ता खालका अराजक गतिविधिहरुको घोर भ्रत्सना गर्दै स्वतन्त्र उम्मेदवार लगायत अन्य पार्टीहरुले गरेको पुन मतदानको मागमा राष्ट्रिय स्वतन्त्र पार्टीको एकेबद्धता रहेको समेत विज्ञप्तिमा उल्लेख गरिएको छ ।
कुनै पनि हिंसातमक आन्दोलनमा आफुहरुको सहभागिता नरहने पनि विज्ञप्तिमा भनिएको छ ।