वालिङ,३ भदाै- वालिङ नगरपालिका वडा नम्बर १२ काेखेमा भरुवा बन्दुकको आकारमा काठ तथा फलाम जडित संरचना प्रहरीले बरामद गरेकाे छ।

वडा प्रहरी कार्यालय वालिङबाट प्रहरी नायव उपरीक्षक प्रताप पौडेलको नेतृत्वमा खटिएको प्रहरी टोलीले वालिङ नगरपालिका वडा नम्वर १२ कोखेबाट भरुवा बन्दुकको आकारमा काठ तथा फलाम जडित संरचना सहितका ७ थान सामग्रीहरू वेवारिसे अवस्थामा फेला पारी बरामद गरि थप अनुसन्धान प्रक्रिया अगाडि बढाएकाे जिल्ला प्रहरी कार्यालयले जनाएकाे छ। भरुवा बन्दुकको फलामको नाल ३ थान ३ र बन्दुकको फ्रेम बनाउन प्रयोग हुने १ थान डाई वेवारिसे अवस्थामा भेटिएकाे प्रहरीले जनाएकाे छ।