फेदिखोला,२४ साउन– लायन्स क्लब अफ स्याङ्जा पुतलीबजारले संस्थाका संस्थापक अध्यक्ष तथा एसोसिएट चिफ एडभाइजर श्रीबहादुर गुरुङको जन्मदिनको अवसरमा फेदिखोला गाउँपालिका–१ स्थित अमोर सेवा नेपाल बालगृहलाई फ्रिज उपलब्ध गराएकाे छ।

सामाजिक सेवामार्फत जन्मदिन मनाउने उद्देश्यले गुरुङको सहयोगमा क्लबले बालगृहलाई साे सहयाेग गरेकाे हो। 

क्लबका एरिया लिडरसमेत रहेका गुरुङले बालगृहका बालबालिकाको आवश्यकतालाई ध्यानमा राख्दै फ्रिज उपलब्ध गराएकाे बताउनुभयाे।

कार्यक्रममा लायन्स क्लबका मल्टीपल डिस्ट्रिक्ट चियरपर्सन, पिडिजी पिएमजी चण्डी प्रसाद अर्यालले लायन्स क्लबको उद्देश्य तथा सामाजिक र मानवीय सेवामा क्लबको भूमिकाबारे जानकारी गराउनुभएकाे थियाे।