वालिङ,२९ पुस– प्रतिनिधि सभासदस्य एवं नेपाली कांग्रेसका उपसभापति धनराज गुरुङले राष्ट्रिय समस्या समाधान गर्नका लागि वर्तमान प्रधानमन्त्री पुष्पकमल दाहाललाई नेपाली कांग्रेसले विश्वासको मत दिएको बताउनुभएको छ ।
शुक्रबार आँधीखोला सञ्चार सहकारी संस्था लिमिटेडद्वारा सञ्चालित रेडियो आँधीखोलाको १७औँ साधारण सभालाई सम्बोधन गर्दै सांसद गुरुङले देशको वर्तमान परिस्थितिलाई हेरेर राष्ट्रिय समस्या समाधानको लागि विश्वासको मत दिएको बताउनुभयो । वर्तमान देशको आर्थिक अवस्थालाई ध्यानमा राख्दै मुलुकलाई श्रीलंकामा जस्तो जनताले नेता लखेट्ने अवस्था नआओस भनेर सरकारलाई विश्वासको मत दिईएको उहाँको भनाइ थियो ।