वालिङ,९मङ्सिर- गल्याङ नगरपालिका वडा नम्बर ८ स्थित सिद्धार्थ राजमार्गकाे करादी नजिकै बुटवलबाट पाेखरा आउदै गरेकाे युपी ४५ भी ४६०१ नम्वरको भारतीय नम्वर प्लेटको कार र वालिङ बाट गल्याङ तर्फ जाँदै गरेकाे ग११ प ६७११ नम्वर मोटरसाईकल एक आपसमा ठोकिदा माेटरसाईकलमा सवार दुई जना घाईते भएकाे जिल्ला प्रहरी कार्यालय स्याङ्जाले जनाएकाे छ।

दुर्घटनामा परि माेटरसाईकल चालक गल्याङ नगरपालिका ८ बस्ने ३० वर्षिय कुल बहादुर रानाकाे दुबै हात खुट्टा र अनुहारमा चाेट लागेकाे छ भने माेटरसाईकलकाे पछाडि बस्ने साेहि वडाका २३ वर्षिय सुरज रानालाई दुबै हात खुट्टा र अनुहारमा चाेट लागेकाे प्रहरीले जनाएकाे छ। 

दुर्घटना पछि मोटरसाईकलमा आफै आगो लागेको र जलेर पूर्णरुपमा नष्ट भएको छ। 

कारमा ५ जना भारतीय नागरिक सवार रहेकाे र कार चालकलाई नियन्त्रणमा लिएर अनुसन्धान कार्य जारी रहेकाे जिल्ला प्रहरी कार्यालय स्याङ्जाका प्रहरी नायव उपरीक्षक ईन्द्र बहादुर रानाले जानकारी दिनुभयाे।