वालिङ,१ असाेज- स्याङ्जाको चापाकोट नगरपालिका–८ माडीस्थित ज्याग्दी खोलाको सिँचाइ शाखा नहरमा डुबेर एक वृद्धको मृत्यु भएको छ।

मृत्यु हुनेमा चापाकोट नगरपालिका–८ का अन्दाजी ८२ वर्षीय यमबहादुर महत क्षेत्री हुनुहुन्छ।

जिल्ला प्रहरी कार्यालय स्याङ्जाका अनुसार आज साँझ करिब ५ बजे छोरीको घरतर्फ जाने क्रममा आफ्नै घरदेखि करिब ८०० मिटर पश्चिमतर्फ रहेको नहरमा अचानक चिप्लिएर खस्दा वृद्ध नहरमा डुब्नुभएकाे थियाे। 

घटना बारे खबर पाए संगै इलाका प्रहरी कार्यालय चापाकोट र प्रहरी चौकी रत्नपुरबाट प्रहरी टोली घटनास्थलमा पुगेको थियो। घटना बारे थप अनुसन्धान भइरहेको जिल्ला प्रहरी कार्यालय स्याङ्जाका प्रहरी नायव उपरीक्षक रमेशदत्त अवस्थीले जानकारी दिनुभयाे।