कला राना

वालिङ,३० कात्तिक- उत्तरगण्डकी महामेला दामोर धर्मोत्सव २०८२ को आयव्याय सार्वजानिक गरिएको छ । कालिण्डकी ज्ञानविज्ञान प्रतिष्ठानको आयोजनमा असाेज २१ देखि कात्तिक १९ गतेसम्म स्याङ्जा र पाल्पाको संगलस्थल मालुङ्गा-अर्सेदी स्थित उत्तरवाहिनीमा आयोजित दामाेदर धर्मोत्सवमा २ करोड ३९ लाख ८५ हजार ९२२ रुपैँया आम्दानी भएको छ ।

आम्दानीतर्फ रसिदबाट १ करोड ४९ लाख ८५ हजार ८७२, चेक तथा बैंकिङ प्रणालीबाट ३२ लाख ९६ हजार ९२८, दानपेटिकाबाट १३ लाख २० हजार ४१६, आरती कर्ताबाट ७ लाख ८१ ह्जार ४८८,कलश विक्रिबाट २ लाख १ हजार ८०५, स्टल विक्रिबाट ३५ हजार ४००, चामल आटा विक्रिबाट १ लाख ७५ हजार ७००,बाँकी आम्दानी ११ लाख ५८ हजार ८५४, अन्य आम्दानी ५ लाख ६३ हजार, शालग्राम विशेष अनुदान १४ लाख ६६ हजार ४५९ गरी २ करोड २९ लाख ८५ हजार ९२२ आम्दानी भएको हो । जसमा आम्दानी मध्ये १ करोड ५० लाख ९४ हजार ७७ रुपैँया खर्च गरी ८८ लाख ९१ हजार ८४५ रुपैँया बचत भएको शनिबार पत्रकार सम्मेलन गरी जानकारी दिईएको हो ।

पत्रकार सम्मेलनमा कोषाध्यक्ष हेमराज अर्यालले आयव्याय प्रस्तुत गर्नुभएकाे थियो ।

कार्यक्रममा गल्याङ नगरपालिकाका नगरप्रमुढख गुरु प्रसाद भट्टराईले महामेलाले यश ठाउँकाे महत्व झनै बढाएकाे बताउदै सबै मिलेर विकासमा सहकार्य गर्ने आग्रह गर्नुभयाे।

धर्मोत्सवले उत्तरबाहिनीको महिमाका विषयमा थप प्रसार प्रसार हुनुका साथै तिर्थको पनि तिर्थ उत्तरबाहिनीको दर्शनबाट लागी देशभरबाट तथा देशबाहिरबाट पनि भक्तजनहरुको अभुतपुर्व सहभागिताले धर्मोत्सव सफल भएको कालीगण्डकी ज्ञानविज्ञान प्रतिष्ठानका अध्यक्ष चैतन्यकृष्णले बताउनुभयो ।