वालिङ,११असोज-वालिङ नगरपालिका ९ धनमुडामा चितुवाले आक्रमण गर्दा ८५ ओटा कुखुरा मरेकाछन् ।
बजार पठाउने तयारीमा रहेका कुखुरालाई गएराती चितुवाले खोरभित्र पसेर आक्रमण गर्दा मरेका हुन । बिक्रिको लागि बजार पठाउने तयारी अवस्थामा रहेका कुखुरा मरेको फार्मका सञ्चालक घनश्याम पराजुलीले जानकारी दिनुभयो ।
बिहान पख बाटाभरि मरेको अवस्थामा कुखुरा यत्र तत्र छिरलिएको देखेपछि स्थानिय बासिन्दाले फार्मका सञ्चालक पराजुलीलाई खबर गरेका थिए ।
वैदेशिक रोजगारीबाट फर्किएर गाउँघरमै व्यावसाय गरेका पराजुलीलाई फार्ममा चितुवाले आक्रमण गरी क्षती पुर्याएपछि चिन्तित बनाएको छ ।
सो क्षेत्रमा केही महिना देखि चितुवाको आतंक बढदै जादा स्थानिय बासिन्दा समेत त्रर्सित बनेकाछन् । गाउँघरमा घाँस दाउराको लागि एकलै जंगल जाने अवस्था समेत नरहेको स्थानिय बासिन्दाको भनाइ रहेको छ ।