वालिङ,२८ असार- वालिङ नगरपालिकाको २०औँ नगरसभा आगामी आर्थिक वर्ष २०८३/८४ का लागि वार्षिक नीति, कार्यक्रम तथा बजेट पारित गर्दै सम्पन्न भएको छ।

नगर प्रमुख कृष्ण खाँणको अध्यक्षतामा असार ७ गतेदेखि सुरु भएको नगरसभा असार २८ गते सम्पन्न भएको हो। नगरसभाले आर्थिक वर्ष २०८३/८४ का लागि ८९ करोड १ लाख ५९ हजार ७ सय ३६ रुपैयाँ बराबरको बजेट स्वीकृत गरेको नगरपालिकाले जनाएको छ।

नगरसभाबाट विनियोजन विधेयक, आर्थिक विधेयक, गाँजा खेती सम्बन्धी नियमन गर्ने विधेयक,कर तथा गैरकर राजस्व प्रशासन सम्बन्धी विधेयक गरी चार वटा विधेयक पारित भएका छन्।

त्यसैगरी, लेखा समिति र न्यायिक समितिले प्रस्तुत गरेका प्रतिवेदनसमेत नगरसभाबाट सर्वसम्मत रूपमा स्वीकृत गरिएको नगर प्रवक्ता पदमराज गुरुङद्वारा जारी प्रेस विज्ञप्तिमा उल्लेख गरिएको छ।