वालिङ,२० कात्तिक- स्याङ्जाको गल्याङ नगरपालिका–१ राम्दीस्थित सिद्धार्थ राजमार्गमा प्रहरीले बस र स्कुटरबाट १० हजारभन्दा बढी पिस पटकाजन्य विस्फोटक पदार्थ बरामद गरेको छ।

कात्तिक १९ गते दिउँसो अस्थायी प्रहरी चौकी राम्दीबाट प्रहरी सहायक निरीक्षक रोशनलाल पाण्डेको कमाण्डमा खटिएको प्रहरी टोलीले सवारीसाधन चेकजाँच गर्ने क्रममा उक्त पटका बरामद गरेको हो।

जिल्ला प्रहरी कार्यालय स्याङ्जाका अनुसार बुटवलबाट पर्वततर्फ जाँदै गरेको ग.१ ख. ८२९५ नम्बरको बस र गण्डकी प्रदेश ०२–००१ प. २६६८ नम्बरको स्कुटरमा लुकाइछिपाई ल्याइएको अवस्थामा पटाका फेला परेको थियो।

बरामद गरिएका पटाकामा सुर्सानी, आलु, चक्लेटी, पोप लगायतका विभिन्न प्रकारका पटाका रहेकाे जिल्ला प्रहरी कार्यालय स्याङ्जाले जनाएको छ।