गाोपाल जिटी

वालिङ,२० असोज– मङ्गलबार साँझदेखि परेको निरन्तरको वर्षादका बावजुद पनि वालिङ खेलमैदानमा दुवो विछ्याउने काम भैरहेको छ । यसका लागि वालिङ नगर प्रमुखसहित युवाहरु झरीको प्रवाह नगरी खटिएका छन् ।

यही असोज २८ देखि कात्तिक ३ गतेसम्म गण्डकी प्रदेशको पोखरामा हुने राष्ट्रिय खेलकुद प्रतियोगिता अन्तर्गत राष्ट्रिय महिला फुटबलको खेल स्याङ्जाको वालिङमा हुँदैछ । यसका लागि वालिङस्थित मालेबगर खेलमैदानको तयारीलाई निरन्तरको झरीसँगै दुवो विछ्याउने काम अगाडि बढाइएको हो ।

वालिङ नगर प्रमुख कृष्ण खाँडसहित खेलाडी तथा स्थानीय युवाहरु झरीसँगै दुवो विछ्याउने काममा खटिएर लागेका छन् । झरिको प्रवाह नगरी काममा खटिनुले वालिङवासी सबैलाई उत्साही बनाएको देखिन्छ ।

निरन्तरको वर्षादकाबीच पनि अबको तीन दिनमा तयारी पुरागर्ने नगरप्रमुख खाँणले बताउनु भएको छ । करिव ४० वर्षको अन्तरालमा पाएको अवसरलाई वालिङका साथै समग्र जिल्लावासीकै प्रतिष्ठाको विषय हो, यसलाई जसरी पनि सम्पन्न गरिछाड्ने नगर प्रमुख खाँणले बताउनुभयो । खेलमैदान तयारीका लागि वालिङले जन्माएका विभिन्न उमेर समूहका राष्ट्रिय खेलाडि स्थानीय युवा, समाजसेवी, संघ संस्थाहरुकोसमेत उत्साहजनक सहयोग रहेको नगरप्रमुख खाँणले उल्लेख गर्नुभयो ।

प्रमुख खाँणले भन्नुभयोु “हामी अहिले खेलाडी तथा वालिङका युवाहरुको साथमा काम अगाडि बढाएका छौं । शुक्रबारदेखि नगरपालिकाका १४ वटै वडाका युवाहरुको सहभागितामा काम हुने छ । यसका लागि वडा अध्यक्षसहितका युवाहरुको उपस्थिति रहने छ । यसका साथै वालिङस्थित शसस्त्र प्रहरी बल तथा जनपद प्रहरीकोसमेत साथ रहने छ ।”

४५ लाख बढि दुवो खरिदमा लागेको र ढुवानी तथा अन्य तयारीसमेत गर्दा करिव १ करोडको खर्च हुने समेत नगरप्रमुख खाँणले जानकारी गराउनुभयो ।

यसका लागि स्थानीय व्यक्ति विशेषका साथै सबैको साथ र सहयोग रहेको छ । वालिङ नगरपाकिासँगै जिल्लाका अन्य पालिकाहरुकोसमेत खेलमैदान निर्माणका लागि सहयोग रहेको नरप्रमुख खाँणले बताउनुभयो । अहिलेको तयारीसँगै आगामी ५ वर्षसम्ममा मिनी रङ्गशालाकोरुपमा विकास गर्ने कामको थालनी भएको नगर प्रमुख खाँणको भनाइ थियो ।

नगरप्रमुख कृष्ण खाँण भिडियो…………..