वालिङ,१३ वैशाख– यही वैशाख ३० गते हुने स्थानीय तहको निर्वाचनको लागि नेकपा एकालेको तर्फबाट भीरकोट नगरपालिका स्थित निर्वाचन अधिकृतको कार्यालयमा पुगेर उम्मेदवारी दर्ता गरिएको छ ।

भीरकोट नगरपालिकाको नगरप्रमुखको लागि एमालेका तर्फबाट विश्वनाथ अर्यालले उम्मेदवारी दर्ता गराउनुभएको छ भने उपप्रमुखमा सरस्वती अधिकारीले उम्मेदवारी दर्ता गराउनुभएको छ । नगरप्रमुखका उम्मेदवार अर्याल सहित उपप्रमुख, वडा अध्यक्ष र सदस्यका उम्मेदवारहरु निर्वाचन अधिकृतको कार्यालयमा पुगरेर उम्मेदवारी दर्ता गराएको नेकपा एमाले भीरकोट नगर कमिटीले जनाएको छ ।

उम्मेदवारी दर्ताको लागि एमाले कार्यकर्ताहरु नाराजुलुस सहित निर्वाचन कार्यालय पुगेका थिए ।
भीरकोट नगरपालिकाको लागि नगरप्रमुखको उम्मदवारी दिनुभएका नगर कमिटीका अध्यक्ष समेत रहनुभएका युवा नेता अर्याल त्यस क्षेत्रमा निकै लोकप्रिय हुनुहुन्छ । विद्यार्थी राजनीतिबाट राजनीतिक यात्रा सुरु गर्नुभएका अर्याल सम्भवत जिल्लामै कान्छो नगरप्रमुखको उम्मेदवार हुनुहुन्छ ।