वालिङ,१३ वैशाख– यही वैशाख ३० गते हुने स्थानीय तहको निर्वाचनको लागि नेकपा एकालेको तर्फबाट फेदीखोला गाउँपालिका स्थित निर्वाचन अधिकृतको कार्यालयमा पुगेर उम्मेदवारी दर्ता गरिएको छ ।

फेदीखोला गाउँपालिकाको अध्यक्षको लागि एमालेका तर्फबाट घनश्याम सुवेदीले उम्मेदवारी दर्ता गराउनुभएको छ भने उपाध्यक्षको लागि देउमाया गुरुङले उम्मेदवारी दर्ता गराउनुभएको छ । पालिका अध्यक्षका उम्मेदवार सुवेदी सहित उपाध्यक्ष, वडा अध्यक्ष र सदस्यका उम्मेदवारहरु निर्वाचन अधिकृतको कार्यालयमा पुगरेर उम्मेदवारी दर्ता गराएको नेकपा एमाले फेदीखोला गाउँपालिका कमिटीले जनाएको छ ।
उम्मेदवारी दर्ताको लागि एमाले कार्यकर्ताहरु नाराजुलुस सहित निर्वाचन कार्यालय पुगेका थिए ।

फेदीखोला गाउँपालिकाको अध्यक्षमा एमालेले पहिलेकै उम्मेदवारलाई यस पटक पनि दोहो¥याएको हो । स्थानीय तहको ०७४ को निर्वाचनमा अध्यक्षमा विजयी हुनुभएका सुवेदीलाई यस पटक पनि एमालेले पुन उम्मेदवार बन्नुभएको हो ।