स्याङ्जा,१९ भदाै- स्याङ्जाको पुतलीबजार नगरपालिका–४ नाउडाँडास्थित भित्री सडकखण्डमा ट्याक्सी र मोटरसाइकल एकआपसमा ठोक्किँदा एक युवककाे मृत्यु भएको छ।

जिल्ला प्रहरी कार्यालय स्याङ्जाले दिएकाे जानकारी अनुसार शुक्रबार दिउँसो नाउडाँडाबाट सेतीदोभानतर्फ जाँदै गरेको ग.२५ प.९६२४ नम्बरको मोटरसाइकल र सेतीदाेभानबाट आउँदै गरेको ग.१ ज.२४९३ नम्बरको ट्याक्सी एकआपसमा ठोक्किदा घाइते भएका आँधीखोला गाउँपालिका–६ का २४ वर्षीय मोटरसाइकल चालक घनश्याम ढकाललाई उपचारकाे लागि गण्डकी अस्पताल पाेखरा लगिएकाे र उपचारकाे क्रममा चिकित्सकले मृत घाेषणा गरेकाे प्रहरीले जनाएकाे छ।

ट्याक्सी चालक आँधीखाेला गाउपालिका–५ बास्कोट बस्ने ३९ वर्षीय हरिराम पौडेललाई नियन्त्रणमा लिएर घटना बारे थप अनुसन्धान भइरहेको जिल्ला प्रहरी कार्यालय स्याङ्जाका प्रहरी नायव उपरीक्षक रमेशदत्त अवस्थीले जानकारी दिनुभयाे।