पाल्पा,३ वैशाख– रोटरी क्लब रामपुरले स्वास्थ्य सामग्री प्रदान गरेको छ । क्लबले पत्रकार तथा संचारकर्मी र सुरक्षाकर्मीलाई स्वास्थ्य सामग्री प्रदान गरेको हो । कोरोना भाइरसको संक्रमणका समयमा अग्रपंक्तिमा रहेर खटिने पत्रकार एवं संचारकर्मी र ईलाका प्रहरी कार्यालय रामपुरका प्रहरीलाई सामग्री हस्तान्तरण गरिएको हो ।

रोटरी क्लवका अध्यक्ष राजुप्रसाद श्रेष्ठले नेपाल पत्रकार महासंघ पाल्पाका उपाध्यक्ष सिर्जना घिमिरे र ईलाका प्रहरी कार्यालय रामपुरका प्रहरी निरिक्षक भिमबहादुर कार्कीलाई मास्क, स्यानीटाइजर र गोलब्स हस्तान्तरण गर्नुभएको हो
क्लबका अध्यक्ष श्रेष्ठले कोरोना संक्रमण बढिरहेको अवस्थामा नियमित काममा खटिने पत्रकार र सुरक्षा कर्मीहरुको लागि थोरै भएपनि सहयोग पुगोस भनेर स्वास्थ्य सामग्री हस्तान्तरण गरिएको बताउनुभयो ।

कोरोना संक्रमणको जोखिम बढ्दै गइरहेको परिवेशमा पत्रकारका निम्ति रोटरी क्लबले गरेको सहयोगप्रति नेपाल पत्रकार महासंघ पाल्पाका उपाध्यक्ष सिर्जना घिमिरेले धन्यवाद दिनुभएको छ । उहाँले जोखिम बढ्दै गएपनि संचारकर्मीले सूचना संप्रेषणमा सक्रिय भएर लागेको बताउदै सबै संचारकर्मीलाई कोभिडको महामारीमा स्वास्थ्य सुरक्षा सामग्री प्रयोग गरी सुरक्षित भएर सूचना संम्प्रेषण गर्न अनुरोध गर्नुभयो ।
ईलाका प्रहरी कार्यालय रामपुरका प्रहरी निरीक्षक भिमबहादुर कार्कीले रोटरी क्लबले स्वास्थ्य सुरक्षा सामग्री प्रदान गरेकोमा धन्यवाद दिदै कोभिडको महामारी फैलिदै गएको हुदा सतर्क रहन अनुरोध गर्नुभएको छ ।
केही महिना अघि मात्रै औपचारिक रुपमा रामपुरमा स्थापना भएको क्लबले बिभिन्न समयमा सामाजिक क्षेत्रमा सहयोग गर्दै आएको छ ।