पोखरा,३ वैशाख– गण्डकी प्रदेशलाई आवश्यक पर्ने स्वास्थ्य सामग्री काठमाण्डौबाट पोखरा आइपुगेको छ । पशुपंक्षि तथा कृषि विकास मन्त्री पद्मा कुमारी अर्यालको विशेष पहलमा नेपाल सरकारले गण्डकी प्रदेशको लागि पठाएको अक्सिजन, पल्स अक्सिमिटर, सेनिटाइजर, माक्स, फेस सिल्ड लगायतका स्वास्थ्य सामग्री पोखरा आइपुगेको हो ।

गण्डकी प्रदेशका साथै मन्त्री अर्यालले गृह जिल्ला स्याङ्जालाई अक्सिजन, ३० वटा पल्स अक्सिमिटर, ३५ हजार थान माक्स, २ सय ६० लिटर सेनिटाइजर, ४ सय २० पिस पिपिइ, ३ हजार गल्वस, ३३ वटा थर्मोगन, पाँच थान अक्सिजन कन्सन्ट्रेटर समेत पठाउनु भएको छ । उक्त स्वास्थ्य सामग्री मंगलबार स्याङ्जामा वितरण गरिने छ ।

जिल्लामा कोरोना भाइरस तिब्ररुपमा फैलीनुका साथै मृत्युहुनेको संख्या बढिरेहको बेला आवश्यक स्वास्थ्य सामग्रीले बिरामीको उपचारका साथै क्रमण नियन्त्रणमा सहयोग पुग्ने मन्त्री अर्यालले विश्वास ब्याक्त गर्नुभयो ।

कोरोना भाइरसको कारण समय जटिल बन्दै गएको र बाहिर निस्कन सक्ने अवस्था नभएको भन्दै मन्त्री अर्यालले आफै उपस्थित हुन नसके पनि प्रदेश र जिल्लामा स्वास्थ्य सामग्रीको अभाव हुन नदिने मन्त्री अर्यालको भनाइरहेको छ ।
कोरोना संक्रमण बढ्दै जादा जिल्लामा संक्रमित बिरामीको उपचारमा स्वास्थ्य सामग्रीको अभाव नहोस भनेर सो सामग्री पठाएको मन्त्री अर्यालले बताउनुभयो ।
साथै मन्त्री अर्यालले सबै नागरिकहरुलाई संक्रमणको बेला सावधानी अपनाउदै सुरक्षित भइ घरमै सस्न समेत आग्रह गर्नु भएको छ ।