स्याङ्जा,२४ वैशाख– पुतलीबजार नगरपालिकाले नगरभित्र रहेका कोरोना संक्रमितहरुलाई मनोबल बढाउने उद्देश्यले आयुर्वेदीक औषधी वितरण शुरुगरेको छ । नगरपालिकाले जिल्ला सरदमुकम र अर्जुनचौपारीमा रहेको आयुर्वेदीक स्वास्थ्य कार्यालय मार्फत औषधी वितरण गरिएको हो ।
पुतलीबजार नगरपालिका प्रमुख सिमाकुमारी क्षेत्रीले पछिल्लो समयमा दोस्रो भेरिएन्टको कोरोना समाजमा फैलिरहेको हुनाले कोरोनालाई न्यूनिकरण गर्न आयुर्वेदिक औषधी वितरण गरिएको बताउनुभयो । नगरप्रमुख क्षेत्रीले पालिकामा हाल सम्म २९ जना कोरोना संक्रमित रहेको बताउदै सबै कोरोना संक्रमित विरामीहरु सम्म औषधी पु¥याउने बताउनुभयो ।
नगरप्रमुख क्षेत्रीले आयुर्वेदिक औषधीले कुनै असर नगर्ने हुनाले सबैले प्रयोग गर्न सकिने बताउनुभयो । पुतलीबजारमा दोस्रो चरणको भेरिएन्ट कोरोनाबाट २९ जना विरामी परेका छन् । कोरोना संक्रमितहरु होम आइसोलेसनमा बस्दै आएको र उनीहरुको स्वास्थ्य सामान्य रहेको नगरपालिकाले जनाएको छ ।
विरामीहरुलाई पुतलीबजार नगरपालिकाको वडा नम्बर १३ बाट आयुर्वेदीक औषधी दिन शुरु गरिएको वडा अध्यक्ष तथा पुतलीबजार नगरपालिकाका नगरप्रबक्ता ख्यामनारायण अधिकारीले जानकारी दिनुभयो । उहाँले औषधी वितरणले विरामीहरुको मनोवल उच्च भएको बताउनुभयोल । साथै पुतलीबजार नगरपालिकाका स्वास्थ्यकर्मीहरुले संक्रमितको घरघरमा गई उनीहरुको स्वास्थ्य अवस्था बुझ्दै आएका छन् ।