स्याङ्जा,२५ वैशाख– गल्याङ नगरपालिकाले कोरोना संक्रमण बढ्दै जान थालेपछि संक्रमितको उपचारका लागि नगरप्रमुख भुपराज अधिकारीले प्रयोग गर्दै आएको सवारी साधन ( गाडी) प्रयोग गर्ने भएको छ । दिनप्रतिदिन संक्रमितको संख्या बढ्दै जान थालेपछि सवारी साधनको अभावमा विरामीले समस्या भोग्न नपरोस भनेर नगरपालिकाले यो निर्णय गरिएको जनाएको छ ।
नगरवासीको स्वास्थ्य भन्दा ठुलो अरु केही नभएकोले कोरोना महामारीको अहिलेको जटिल अवस्थामा आवश्यक्ता अनुसार आफुले प्रयोग गर्दै आएको सवारी साधन प्रयोग गर्ने निर्णय गरिएको नगरप्रमुख भुपराज अधिकारीले बताउनुभयो ।

नगरपालिका भित्र गल्याङ नगर अस्पतालमा रहेका एम्बुलेन्सले सेवा दिइरहेको र संक्रमण बढ्दै जादा सवारी साधनको अभावमा बिरामीले समस्या भोगन नपरोस भनेर नगरप्रमुख अधिकारीले प्रयोग गर्दै आएको ग १ झ ३३५ नम्बरको सवारी साधन प्रयोग गरिने नगरपालिकाले जनाएको छ । नगरप्रमुअ अधिकारीले कोरोना संक्रमण तिब्र रुपमा फैलीएकोले यसबाट बच्न सबै नगरवासिलाई स्वास्थ्य मापदण्डलाई पालन गर्न समेत आग्रह गर्नुभएको छ ।