वालिङ,२३ वैशाख– वालिङ नगरपालिका १३ को बजार क्षेत्रलाई शिल गरिएको छ । वडाको बायाँटारी, झलुङे र थानपाटा क्षेत्रलाई अर्को सूचना नभए सम्मको लागि शिल गरिएको हो । कोरोनाको दोस्रो भेरियन्टको संक्रमण फैलँदो क्रममा रहेको र बजार क्षेत्रमा जोखिम बढिभएकोले बजार क्षेत्रलाई शिल गरिएको वडा अध्यक्ष आनन्द पाठकले बताउनुभयो ।

आज एक सूचना जारी गर्दै वडा कार्यालयले संक्रमणलाई फैलिन नदिनुका साथै स्वास्थ्य उपचारमा सहजता ल्याउनुका साथै प्रभावकारी बनाउन बाजार क्षेत्रलाई शिल गरिएको जनाएको छ । वडा अध्यक्ष आनन्द पाठकको हस्ताक्षर रहेको सूचनामा अर्को सूचना जारी नभए सम्मको लागि पूर्ण रुपमा बन्द गरिएको जनाइएको छ ।