राधिका पाैडेल

स्याङ्जा,१३ भदौ- १९औँ राष्ट्रिय पुस्तकालय दिवस–२०८३ को अवसरमा लक्ष्मी स्मृति सामुदायिक पुस्तकालय, रेडियो स्याङ्जा तथा स्याङ्जा टेलिभिजनको आयोजनामा भएको माध्यमिक विद्यालयस्तरीय विद्यार्थीका लागि “कृत्रिम बौद्धिकता (एआई) वरदान कि अभिशाप” विषयक वादविवाद प्रतियोगितामा भूतपूर्व सैनिक आवासीय माध्यमिक विद्यालयका आयुष कार्की प्रथम भएका छन्।

यसैगरी प्रतियोगितामा मातृभूमि माध्यमिक विद्यालयकी अनुषा काफ्ले द्वितीय, स्याङ्जा उच्च माध्यमिक विद्यालयकी जेनिशा पोख्रेल तृतीय र त्रिभुवन आदर्श माध्यमिक विद्यालयका सोयफ अली सान्त्वना भएका छन्।

प्रतियोगितामा विद्यार्थीहरूले एआईले अध्ययन र सूचना प्राप्तिलाई सहज बनाउने पक्षसँगै यसको दुरुपयोग र अत्यधिक निर्भरताबाट सिर्जनशीलतामा पर्न सक्ने असरका बारेमा आ-आफ्नाे तर्क प्रस्तुत गरेका थिए।

कार्यक्रममा संस्थाका अध्यक्ष अमृत प्रसाद श्रेष्ठले प्रविधिको विकाससँगै अध्ययन र पुस्तकालय संस्कृतिको महत्वलाई निरन्तरता दिनुपर्ने बताउनुभयाे।