वालि,५ फागुन– नेपाली कांग्रेस स्याङ्जाले यही फागुन २१ गते हुने प्रतिनिधि सभा निर्वाचनलाई लक्षित गरेर चुनावी संकल्प पत्र सार्वजनिक गरेको छ ।
आइतबार उम्मेदवारहरुको तर्फबाट सार्वजनीक गरिएको संकल्प पत्रमा सिद्धार्थ राजमार्गको विस्तार देखि कृषि, पर्यटन, प्राविधिक शिक्षा, स्वास्थ्य एवं पुर्वाधारका क्षेत्रलाई समेटिएको छ ।
स्याङ्जा निर्वाचन क्षेत्र नम्बर एक बाट भरतराज ढकाल र दुई बाट भागवत प्रकाश मल्ल उम्मेदवार बनेर चुनावी आभियानमा लाग्नुभएको छ ।
नेपाली कांग्रेसले जिल्लालाई नमूना जिल्ला बनाउने दावी सहित चुनावी अभियानलाई तिब्र पारेको छ । जिल्लाको समग्र विकासका लागि आफुहरुको उम्मेदवारी रहेको नेपाली कांग्रेसका उम्मेदवारको दावी रहेको छ । जिल्लाको विकासका लागि नेपाली कांग्रेसका उम्मेदवारका पक्षमा मतदान गर्न आग्रह समेत गर्नुभएको छ ।