वालिङ,१ फागुन- नेपाल सरकारले प्रतेक वर्ष गर्ने स्थानीय सरकारको कार्यसम्पादन मूल्याङ्कनमा गण्डकी प्रदेशका पालिकाहरुमा स्याङ्जाकाे कालीगण्डकी गाउँपालिका प्रथम भएकाे छ । भने देशैभरमा छैठाैँ स्थानमा परेको छ । ११ ओटा पालिका रहेकाे स्याङ्जामा प्राकृतिक स्रोत तथा वित्त आयोगले गरेको कार्यसम्पादन मूल्याङ्कनमा कालीगण्डकी प्रदेशमै प्रथम हुन सफल भएको हो ।

 सार्वजनिक गरिएकाे नतिजाअनुसार कालीगण्डकी गाउँपालिकाले ७८.१९ प्रतिशत अंक ल्याएको छ । जिल्लागत हिसाबले दोस्रोमा वालिङ नगरपालिका र तेस्रोमा फेदिखोला गाउँपालिका बनेका छन् । क्रमश वालिङले ७६.३३ र फेदिखोलाले ७६.०२ प्रतिशत अङ्क ल्याएका छन् । त्यसैगरी पुतलीबजार नगरपालिकाले ७५.३१, बिरुवा गाउँपालिकाले ७४.६८, आँधीखोला गाउँपालिकाले ७२.८३, अर्जुनचौपारी गाउँपालिकाले ६९.६९ प्रतिशत अङ्क ल्याएका छन् ।

यसैगरी भीरकोट नगरपालिकाले ६७.२१, गल्याङ नगरपालिकाले ६१.६६, चापाकोट नगरपालिकाले ५१.७० र हरिनास गाउँपालिकाले ४९.२० प्रतिशत अङ्क प्राप्त गरेको आयोगले सार्वजनिक गरेको नतिजामा उल्लेख गरिएकाे छ ।

कालीगण्डकी गाउँपालिकाकाे पहिलाे कार्यकालकाे नेतृत्व सफलता पूर्वक सम्पन्न गरेर पुन दाेस्राे कार्यकालकाे नेतृत्व गर्नुभएका खिम बहादुर थापा आगामी फागुन २१ गते हुने निर्वाचनकाे लागि पालिकाकाे अध्यक्षबाट राजिनामा दिएर चुनावी अभियानमा लाग्नुभएकाे छ। पालिकामा रहदा आफुले गरेका जनपक्षीय काम लाई निर्वाचन क्षेत्रमा विस्तार गर्नुका साथै साेहि अनुसार देशैभर लागुगर्न नीति निर्माण गर्ने कार्यकाे अगुवाई गर्नका लागि आफुले उम्मेदवारी दिएकाे कालीगण्डकी गाउँपालिकाका निर्वतमान अध्यक्ष खिम बहादुर थापाकाे भनाइ रहेकाे छ। थापा अहिले स्याङ्जा निर्वाचन क्षेत्र नम्बर दुई बाट प्रतिनिधि सभासदस्यकाे उम्मेदवारका रुपमा मतदात भेटघाट एवं सुझाव संकलन अभियानमा हुनुहुन्छ।