वालिङ,२९ माघ–राष्ट्रिय स्वतन्त्र पार्टीका सभापति रवि लामिछानेले वालिङमा कार्यक्रता एवं शुभचिन्तकहरुलाई सम्बोधन गर्दै आफ्‌नो पार्टीलाई स्थायी सरकार चलाउने अवसर दिन आग्रह गर्नुभएको छ ।
कास्की हुुदै पाल्पा जाने क्रममा स्याङ्जाको वालिङमा आयोजित कार्यक्रममा बोल्दै सभापति लामिछानेले भन्नुभयो, “यस पालि घण्टीमा मतदान गरेर पाँच वर्ष स्थायी सरकार चलाउने अवशर दिनुस काम गर्न नसके त्यही घण्टीले बजाउनुस ।”

देश बनाउन आफुहरुले दुःख गरेको दाबी गर्दै लामिछानेले भन्नुभयो राष्ट्रिय स्वतन्त्र पार्टीले जनताको आशा र भरोसालाई निभन दिदैन । आफु गृहमन्त्री हुदा पुराना दलका नेताहरुको मनमा ढ्यांग्रो ठोकेको बताउदै आफुले छोटो समय सरकारमा रहेर राम्रोकाम गरे दाबी गर्दै रास्वपालाई कुनै सिद्धान्त नभएको पार्टी भन्नेहरुका लागि रास्वपाको नीति र सिद्धान्त खोजेर हेर्न अनुरोध गर्दै भ्रष्टाचारलाई जरै देखि उखेलेर नफाल्दा सम्म कुनै सिद्धान्त र नीतिले काम नगर्ने बताउदै आफुहरु भ्रष्टाचारलाई जरै देखि उखेलेर फाल्ने अभियानमा लागेको बताउनुभयो ।
रास्वपाले सबै क्षेत्रलाई समेटेर उम्मेदवार उठाएको बताउदै अब कसैले रोक्न नसक्ने अध्यक्ष लामिछानेले दावी गर्नुभयो ।
सभापति लामिछाने स्याङ्जा जिल्ला सदरमुकाम पुतलीबजार, बयेरघारी, वालिङ, चापाकोटमा कार्यक्रता एवं मतदाता भेटघाट गर्नुभएको छ ।
कार्यक्रममा रास्वपाका कार्यक्रर्ता एवं शुभचिन्तकहरुको सहभागिता रहेको थियो ।

रास्वपाले स्याङ्जा निर्वाचन क्षेत्र नम्बर १ बाट धनन्जय रेग्मी र दुई बाट झविलाल डुम्रेलाई उम्मेद्वार बनाएकाे छ।