अवैध बालुवा ओसारपसारमा प्रयाेग भएकाे ट्याक्टर तस्विर: जिल्ला प्रहरी कार्यालय स्याङ्जा

वालिङ,२५ असाेज- प्रहरीले भीरकाेट नगरपालिका वडा नम्बर ४ छाङ्छाङ्दी स्थितआँधीखोला किनारमा यहि २४ गते  नदीजन्य पदार्थ ओसारपसार गरिरहेको ग १ त ६६०५ नम्बरको  ट्याक्टर नियन्त्रणमा लिएर कारवाही प्रक्रिया अगाडि बढाएकाे छ।

दहथुम प्रहरी चौकी बयरघारीबाट खटिएको प्रहरी टोलीले नियन्त्रणमा लिएकाे ट्याक्टर भीरकोट नगरपालिका वडा नम्बर ४ का तेज नारायण श्रेष्ठकाे रहेकाे खुलेकाे हाे।

बालुवा ओसारपसार भइरहेको अवस्थामा ट्याक्टर पक्राउ परेपछि प्रहरीले पटके कायम गर्दै आवश्यक कानुनी प्रक्रिया अघि बढाएकाे जिल्ला प्रहरी कार्यालय स्याङ्जाले जनाएकाे छ।

श्रेष्ठकाे स्वामित्वमा रहेकाे ग १ त ४९४१ नम्बरकाे ट्याक्टरलाई यश अघि भदाै १० गते वालिङ नगरपालिका १ नम्बर वडा ओडारे स्थित आँधीखाेला किनारबाट अवैधरुपमा बालुवा उत्खनन् एवं ओसारपसारमा प्रयाेग भएकाे भन्दै प्रहरीले नियन्त्रणमा लिएर ८ हजार जरिवाना तिराउनुका साथै

सोही समयमा जिल्ला समन्वय समिति स्याङ्जाका उप–प्रमुख, प्रमुख जिल्ला अधिकारी, जिल्ला प्रहरी कार्यालयका प्रमुख, भीरकोट नगर प्रमुख, पत्रकार र स्थानीयहरूको टोलीले संयुक्त रूपमा अनुगमन गर्दा पनि ठुलो मात्रामा बालुवा सङ्कलन गरिएको फेला परेको थियो ।

अनुगमन टोलीले भीरकोट–४ छाङ्छाङ्दी बगरमा ५६७.५ घनमिटर र वालिङ ११ मा १४०९.८५ घनमिटर बालुवा फेला पारेको र सो बालुवा पनि श्रेष्ठकै स्वामित्वमा रहेको प्रमाणित भएपछि ९० हजार ६६६ राजस्व र ९ हजार ६६ रुपियाँ जरिवाना तिराईएकाे प्रहरी नायब उपरीक्षक प्रसन्न राज चौधरीले जानकारी दिनुभो ।

पटक पटक जरिवाना गराउदा समेत आँधीखाेलामा अवैधरुपमा बालुवा उत्खनन् एवं ओसारपसार कार्य नराेकिएपछि प्रमुख जिल्ला अधिकारी जिल्ला प्रहरी कार्यालय स्याङ्जाका प्रमुख सहितकाे बैठक बसेर अवैरुपमा आँधीखाेला उत्खनन् कार्य गर्नेकार्यलाई राेक्न कडाइका साथ लाग्ने तयारीमा रहेकाे जिल्ला समन्वय समितिका उपप्रमुख खड्क राज सुवेदीले जानकारी दिनुभयाे।