वालिङ,२२ फागुन- सञ्चारिका समूह स्याङ्जाको अध्यक्षमा साधना न्याैपाने निर्वाचित हुनुभएकाे छ।

बुधबार सम्पन्न चौँथो अधिवेसनले न्यौपानेको नेतृत्वमा ९ सदस्यीय समिति निर्विराेध निर्वाचित गरेको हाे। समितिको उपाध्यक्षमा आरती कुँवर, सचिवमा क्रान्ती अर्याल, सहसचिवमा संगिता थापा र कोषाध्यक्षमा अनिता गौतम रहनुभएको छ ।

सदस्यहरुमा पुजा खड्का, संगिता ठडराई, फुलमाया भट्टराई, रुपा खाम्चा निर्वाचित हुनु भएको सञ्चारिका स्याङ्जाले जनाएकाे छ।

यस्तै भवानी अधिकारी, शान्ता थापा, कला रानालाई सल्लाहकारमा चयन गरिएको छ ।

अधिवेशनकाे उद्दघाटन गर्दै नेपाल पत्रकार महासंघ स्याङ्जाका अध्यक्ष प्रदिप कोईरालाले महिला पत्रकाहरुको हकहित र क्षमता विकास गरी महिला पत्रकाहरुलाई गोलबद्ध गर्ने संस्था सञ्चारिका भएकाले संस्थासंग हातेमालो गर्दै पत्रकार महासंघ अगाडि बढ्ने बताउनुभयो ।

कार्यक्रममा सञ्चारिका समूहका संस्थापक एवं तथा सल्लाहकार भवानी अधिकारी, सल्लाहकार तथा रेडियो आँधीखोलाका अध्यक्ष शान्ता थापा , कला राना लगायतले बाेल्नुभएकाे थियाे।