वालिङ,२५ माघ- लायन्स क्लव अफ वालिङ ग्रीन हाेमले  वालिङमा डस्विन वितरण गरेकाे छ। लायन्स अन्तराष्ट्रिय डिष्ट्रिक्ट ३२५ एम नेपालकाे तेस्राे क्याविनेट बैठककाे पूर्व सन्ध्यामा वालिङ बजारमा डस्विन वितरण गरिएकाे हाे । वालिङ नगरपालिकाका नगरप्रमुख कृष्ण खाँणलाई डिस्टिक गभर्नर चण्डीप्रसाद अर्यालले डस्विन हस्तान्तरण गरेर कार्यक्रमकाे शुभारम्भ गर्नुभएकाे थियाे। बजार क्षेत्रमा बाटाेमा फाेहाेरमैला नहाेस भनेर २५ ओटा डस्विन वितरण गरिएकाे लायन्स क्लव अफ वालिङ ग्रीन हाेमकि सचिव लक्ष्मी पाैडेल कुवँरले जानकारी दिनुभयाे। 

आजदेखि वालिङमा सुरु हुने लायन्स अन्तराष्ट्रिय डिष्ट्रिक्ट ३२५ एम नेपालकाे तेस्राे ऐतिहासिक क्याविनेट बैठकमा विभिन्न महत्वपूर्ण विषयहरुमा छल्फल हुने लायन्स क्लव अफ वालिङ ग्रीन हाेमका अध्यक्ष विष्णु खड्काले बताउनुभयाे। आजदेखि सुरु हुनेकार्यक्रम शनिबार सम्पन्न हुने छ।