वालिङ,२४ कात्तिक- मदन भण्डारी स्पोर्टस ऐकेडेमी स्याङ्जाको अध्यक्षमा भविराज गुरुङ सर्वसम्मत चयन हुनुभएको छ ।
शनिबार स्याङ्जामा सम्पन्न प्रथम जिल्ला अधिवेसनले गुरुङको अध्यक्षतामा ३५ सदस्यीय समिति चयन गरेको हो । ऐकेडेमीको उपाध्यक्षमा नविन आले, सचिवमा चित्रबहादुर भुजेल, कोषाध्यक्षमा रमेशकुमार अधिकारी र उपसचिवमा शुसिल राना चयन हुनुभएको छ ।
कार्यक्रममा ऐकेडेमीका केन्द्रिय अध्यक्ष ध्रुव आचार्यले ऐकेडेमीले जिल्लामा खेलकुदका गतिविधिलाई थप शसक्त रुपमा अगाडि बढाउने बताउदै नयाँ समितिलाई बधाई तथा शुभकामना व्यक्त गर्नुभयो । साथै उहाँले खेल क्षेत्रको विकास गरी खेलाडिहरुलाई व्यवसायिक रुपमा स्थापित गर्नुपर्नेमा जोड दिदै नयाँ खेलाडि उत्पादन तथा स्थापित खेलाडिको संरक्षणका लागि ऐकेडेमीले सहयोग गर्ने समेत बताउनुभयो ।
कार्यक्रममा ऐकेडेमीका केन्द्रिय सल्लाहकार मोहन रेग्मी, ऐकेडेमीका केन्द्रिय सचिव कृष्ण तिमिल्सिना, एमाले जिल्ला अध्यक्ष सुर्यप्रसाद गैह्रे पारस, ऐकेडेमीका गण्डकी प्रदेश अध्यक्ष गीरमान गुरुङ, लगायतले शुभकामना मन्तव्य राख्नुभएको थियो ।