वालिङ,२० असोज- स्याङ्जा सहयोग समाज अन्तर्राष्ट्रिय समन्वय समितिले भलिबल प्रतियोगिता गर्ने भएको छ ।
अन्तर्राष्ट्रिय समन्वय समितिले कात्तिक २ देखि ४ गते सम्म वालिङमा पालिका स्तरीय पुरुष भलिबल प्रतियोगिता सञ्चालन गर्ने आज वालिङमा आयोजित पत्रकार सम्मेलनमा जानकारी गराइएको छ ।

प्रतियोगितामा प्रथम हुने समूहले नगद १ लाख ५० हजार सहित शील्ड, मेडल र प्रमाणपत्र प्राप्त गर्ने आयोजक समितिले जनाएको छ । यसैगरी द्वितीय, तृतीय र सान्त्वना हुने टीमले क्रमशः नगद १ लाख, ५० हजार, २५ हजारसहित शील्ड, मेडल र प्रमाणपत्र प्राप्त गर्नेछन् । यस्तैगरी बिभिन्न ६ वटा शिर्षकमा विधागतरुपमा पुरस्कृत गरिने छ । जस अन्तर्गत वेस्ट प्लेयरलाई नगद १० ले प्राप्त गर्नेछन् भने वेष्ट स्पाइकर, वेष्ट सेटर, मिडल व्लकर, वेष्ट सर्भर र वेष्ट डिफेन्डरलाई समान ५ हजार नगद पुरस्कार प्रदान गरिने छ । उदियमा खेलाडीलाई पनि नगद ५ हजारले पुरस्कृत गरिने आयोजकले बताएको छ । प्रतियोगिताको बीचमा राष्ट्रिय कलाकारबाट विविध सांस्कृतिक कार्यक्रमसहित थप मनोरञ्जन प्रदान गरिने छ ।
प्रतियोगितामा जिल्लाका ११ ओटै पालिकाबाट एक पालिका एक टिमका दरले सहभागिता रहने आयोजक समितिका अध्यक्ष वीरेन्द्रजङ्ग केसीले बताउनुभयो ।
टिम दर्ताको लागि १५ हजार लाग्नेछ भने खेलमा सहभागि हुन खेलाडिको परिचय खुल्ने कागजातका साथै पालिको रिफारिस समेत हुन्पर्ने आयोजकले जनाएको छ । भलिबल प्रतियोगिता संगै सांस्कृतिक समेत गरिने भएको छ ।

संस्थाले बेला बेलामा भिन्न सामाजिक क्षेत्रमा समेत सहयोग गर्दै आएको छ । संस्था स्थापना भए संगै स्वास्थ्यका साथै शिक्षा क्षेत्रमा करिव ९ करोड बडिको सहयोग गरेको समितिका अध्यक्ष केसीले बताउनुभयो ।

कार्यक्रमको मुख्य प्रायोजन अमेरिकामा बस्दै आउनुभएका डिलुराम लपराजुलीले गर्नुभएको छ । पराजुलीले नगद २ लाख सहयोग गर्नुभएको आयोजकले जनाएको छ । यस्तै गरी हाल अमेरिका रहनुहुने विमला हमालले प्रथम पुरस्कार प्रायोजन गर्नुभएको छ । कतारमा रहनुभएका नारायण शर्माले द्वितीय र सुकबहादुर केसीले तृतीय पुरस्कार प्रायोजन गर्नुभएको खेल संयोजक प्रकाश श्रेष्ठले जानकारी दिनुभयो ।
पुरस्कार, मेडल, अफिसियल, प्रचार प्रसार, खेल व्यवस्थापनसहित प्रतियोगिता सम्पन्न गर्नका लागि १५ लाख ८५ हजार खर्च हुने आयोजकको अनुमान छ । यसका लागि प्रायोजक, पुरस्कार प्रायोजन, व्यानर सहयोगी, आर्थिक सहयोगलगाएतबाट खर्चको व्यवस्थापन गरिने आयोजकले जनाएको छ ।