वालिङ,१४ साउन- नेपाल निजामती कर्मचारी संगठन स्याङ्जाले फेदीखोला गाउँपालिका १ मा रहेको अमोर सेवा नेपालद्वार सञ्चालित बालगृहलाई शनिबार एक कार्यक्रमको आयोजना गरेर खाद्यान्न सामग्री सहयोग गरेको छ ।
नेपाल निजामती कर्मचारी संगठन कार्यसमिति स्याङ्जाले शहिद मनोज, झपेन्द्र, सुरेन्द्र स्मृति दिवसको अवसरपारेर बालगृहलाई खाद्यान्न सामाग्री सहयोग गरेको हो ।

सामग्री हस्तान्तरण कार्यक्रममा बोल्दै फेदीखोला गाउँपालिका अध्यक्ष घनश्याम सुवेदीले नेपाल निजामती कर्मचारी संगठन स्याङ्जाले बालगृहमा रहेका बालबालिकाहरुलाई सहयोग गरेकोमा धन्यवाद दिदै अभिभावक बिहिन बालबालिकाहरुलाई सबैले सहयोग गर्नुपर्ने बताउनुभयो । पालिकाले पनि बालगृहलाई सक्दो सहयोग गर्दै आएको र सबैको सकरात्मक सहयोगले आफन्त बिहिन बालबालिकाले अमोर सेवा नेपालद्वारा सञ्चालित बालगृहमा बसेर संरक्षण समेत पाएको बताउनुभयो ।

कार्यक्रममा जिल्ला समन्वय समिति स्याङ्जाका सदस्य निरमाँया कार्की, संग्ठनका केन्द्रिय सदस्य राजु मरासिनी, पेशागत महासंघ अध्यक्ष ताराचन्द्र ढकाललगायतले बोल्नुभएको थियो । साथै सोही अवसरमा संगठनले वृक्षरोपण कार्यक्रम समेत सम्पन्न गरेको छ । संगठनका जिल्ला अध्यक्ष अमरबहादुर पराजुलीको अध्यक्षतामा सम्पन्न कार्यक्रमको संचालन सचिव राजेश कुंवरले गर्नुभएको थिए भने स्वागत मन्तव्य रमेश विक र धन्यवाद बालगृहकी सञ्चालिका कमला पराजुलीले गर्नुभएको थियो ।यो बालगृहमा स्याङ्जासहित पर्वत, रुकुम र मुगुका गरी ३० जना बालबालिका छन् ।