काठमाडौं,१४ जेठ- नेकपा एमाले सचिव एवं प्रमुख प्रतिपक्षी दलकी सांसद पद्मा आर्यालले सरकारले मंगलबार सदनमा पेश गरेको नीति तथा कार्यक्रम यथार्थ नभएर हावामा उडेको बताउनुभएकाे छ। संसदमा जारी नीति तथा कार्यक्रममाथि छलफलमा अर्यालले नीति तथा कार्यक्रम व्यावहारिक नभएको बताउनुभयाे।

एमाले नेतृ समेत रहनुभएकी अर्यालले भन्नुभयाे, “सरकारकाे नीति तथा कार्यक्रम यथार्थ धरातलमा उभिएको छैन । हावामा उडेको छ, जुन कुरा जनताले प्राप्त गर्न सक्दैनन्।” यो चुनावको वर्ष हो भन्ने कुरा सरकारले हेक्का गरेन । देशको अर्थतन्त्र इतिहासकै कमजोर अवस्थामा पुगेकाे समेत अर्यालकाे भनाइ थियाे।