वालिङ,३१ भदौ– नेपाल टेलिभिजनबाट प्रसारण हुने दोहोरी गीत च्याम्पियनमा प्रतिस्पर्धामा रहेका स्याङ्जा वालिङ १२ का प्रकाश पराजुली र दाङ घर भएकी मीना बुढाथोकीलाई दोहोरी च्याम्पियनमा जिताउन जिल्लामा अभियान नै संचालन गरिएको छ ।

पछिल्लो पटक लोक सङ्गीतका क्षेत्रमा चर्चा कमाउन सफल युवा गायक प्रकाश पराजुलीलाई जिताउन जिल्ला बासि एवं समर्थकहरुले सामाजिक संजालदेखि विभिन्न माध्यामबाट भोट गर्न सबैमा आरोध गर्दै आएकाछन् । लोक गीतको क्षेत्रमा स्थापित हुदै गरेको युवालाई दोहोरीमा च्याम्पियनमा बनाउन सके जिल्लाकै गौरव बढ्ने भन्दै जिल्लामा प्रकाश र मीनालाई जिताउने अभियानै संचालन गरिएको हो । आठौं स्थानबाट चौथो स्थानको लागि प्रतिस्पर्धामा भिडेका उनीहरुको लागि अहिले दर्शकको अपार माया एवं भोटको खाचो छ । त्यसैले सबैको भोटको लागि यो जोडीले आग्रह गरेको छ ।

प्रकाश पराजुली र मीना बुढाथोकीलाई मोबाइलको म्यासेज बक्समा गएर डिसि ०५ टाइप गरी ३३००१ मा म्यासेज गरेर र नेपाल टेलिभिजनको एपीपी डाउनलोड गरेर पनि भोट गर्न सकिन्छ । यसरी दर्शकको भोट र निर्णायकको मूल्याङ्कनको आधारमा प्रतिस्पधीहरुको छनोट हुनेभएकोले सबैलाई भोट गररे सहयोग गरिदिन प्रकाशले आग्रह गरेकाछन् । परम्परा संगै आधुनिक एवं परिस्थिती अनुसारका गीत गाएर चर्चामा आउन सफल भएका पराजुलीलाई अहिले अत्याधिक भोटको खाचो छ त्यसैले सबैले भोट गरेर गरौ ।