स्याङ्जा,३० भदौ– जिल्ला प्रशासन कार्यालय स्याङ्जा गण्डकी प्रदेशमै पहिलो र देशभरका जिल्ला प्रशासन कार्यालयहरु मध्ये चौथो बन्न सफल भएको छ । गृह मन्त्रालयले गरेको कार्यसम्पादन मूल्याङ्कनका आधारमा जिल्ला प्रशासन कार्यालय स्याङ्जा गण्डकी प्रदेशमै पहिलो र देशभरका ७७ वटा जिल्ला प्रशासन कार्यालयहरु मध्ये चौथो बन्न सफल भएको हो ।

गृहसचिव र ७७ वटै जिल्लाका प्रमुख जिल्ला अधिकारीबीच आर्थिक वर्ष २०७७÷७८ का लागि भएको कार्यसम्पादन सम्झौता कार्यान्वयनको गृह मन्त्रालयबाट भएको मूल्याङ्कनमा जिल्ला प्रशासन कार्यालय स्याङ्जा गण्डकीमा प्रथम र देशैभरमा चौथो भएको प्रमुख जिल्ला अधिकारी दीपकराज नेपालले जानकारी दिनुभयो ।

प्रत्येक आर्थिक वर्षको सुरुमा गृह मन्त्रालय र जिल्ला प्रशासन कार्यालयबीच कार्यसम्पादन सम्झौता हुने र सोही सम्झौताका आधारमा सम्झौता कार्यान्वयन भएनभएको मन्त्रालयले मूल्याङ्कन गर्ने जिल्ला प्रशासन कार्यालले जनायो ।