वालिङ,३० वैशाख– वालिङ नगरपालिकाभित्रका ७८ जना कोरोना संक्रमित संक्रमण मुक्त भएकाछन् । विश्वब्यापी महामारीकोरुपमा फैलिएको नयाँ भेरियन्ट सहितको कोभिड १९ बाट संक्रमित मध्ये ७८ जनालाई निको भएको स्वास्थ्य शाखा प्रमुख कमल पाण्डेले जानकारी दिनुभयो ।

नगरपालिकाभित्र हालसम्म कूल संक्रमितको संख्या दुई सय ९३ रहेको छ । जसमध्ये ७८ जना निको भएका छन् भने पोखरामा ११ जना, गह्रौं प्राथमिक अस्पतालमा ५ जना गरी १६ जनाको अस्पतालमा उपचार भईरहेको छ । वालिङमा हालसम्म दुई सय ११ जना सक्रिय संक्रमित छन् भने चार जनाको मृत्यु भएको छ ।

कोरोना संक्रमणको महामारीका बेला जारी गरिएको निषेधाज्ञालाई कडाईका साथ पालना गरी जोखिम रोकथाम तथा नियन्त्रणका लागि सहयोग गर्न नगरपालिकाका प्रमुख प्रशासकीय अधिकृत राजन भट्टराईले अनुरोध गर्नुभएको छ ।

सक्रिय संक्रमितहरु होम आइसोलसनमा बस्दा कुनै पनि स्वास्थ्य सम्बन्धी समस्या भएमा तत्काल नगरपालिका कार्यालय, सम्बन्धित वडा कार्यालय वा स्वास्थ्य कर्मीहरुलाई तुरुन्त जानकारी गराउन पनि प्रमुख प्रशासकीय अधिकृत भट्टराईल अनुरोध गर्नुभएको छ ।