फाइल तस्विरः

काठमाडौं, ३० वैशाख– नेपालमा पछिल्लो २४ घण्टामा ५ हजार ५५ जना कोरोना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार यो सँगै कोरोना संक्रमणमुक्त हुनेको संख्या ३ लाख २१ हजार ५१८ पुगेको छ । भने पछिल्लो २४ घण्टामा थप ८ हजार ९ सय ६० जनामा कोरोना संक्रमणको पुष्टि भएको छ ।
मन्त्रालयका अनुसार १९ हजार ४ सय ७४ जनाको पीसीआर परीक्षण र ७ सय ७१ जनाको एन्टिजेन परीक्षणमा ८ हजार ९ सय ६० जनामा कोरोना संक्रमण पुष्टि भएको छ ।

यो सँगै देशभर कोरोनाका सक्रिय संक्रमितको संख्या १ लाख ५ हजार २ सय ७ पुगेको छ त्यसै गरी पछिल्लो २४ घण्टामा २ सय १४ जनाको कोरोना संक्रमणबाट मृत्यु भएको छ । यो सँगै संक्रमणबाट मृत्यु हुनेको कुल संख्या ४ हजार ४ सय ६६ पुगेको मन्त्रालयले जनाएको छ ।