बागलुङ,२३ भदौ– बागलुङ र पर्वत जोड्ने गरी कालीगण्डकी नदीमाथि निर्माण गरिएकोे झोलुङ्गे पुलको नामाकरण गरिएको छ । सो पुललाई ‘गण्डकी गोल्डेन ब्रिज’ नामाकरण गरिएको हो ।
बागलुङ नगरपालिकाले छ महिना अघि विश्वकै लामो दाबी गरिएको झोलुङ्गे पुलको नामाकरण गर्न सार्वजनिक ररुपमा आवहान गरिएको थियो ।
नगरपालिकाको आवहान अनुसार प्राप्त भएका नामहरु मध्ये बागलुङ नगरपालिका ५ मालिका निवासी घनश्याम सापकोटाले तयार गरेको नाम ‘गण्डकी गोल्डेन ब्रिज’ नामाकरण गर्ने निर्णय भएको नगरप्रमुख जनकराज पौडेलले जानकारी दिनुभयो । मङ्गलवार सम्पन्न कार्यपालिका बैठकले उक्त नाम राख्ने निर्णय गरेको हो ।
पहिलो चरणमा नगरपालिकाले उत्कृष्ट दश नाम छनौट गरेको थियो । पुलको नाम तयार गर्ने व्यक्तिलाई नगरपालिकाले २५ हजार रुपियाँ उपलब्ध गराउने समेत घोषण गरेको थियो ।
बागलुङ नगरपालिका १ रामरेखादेखि पर्वतको कुस्मा नगरपालिका १ अदुवाबारी जोड्ने कालिगण्डकी नदी माथी हालै निर्माण गरिएको ५६७ मिटर लामो पुल नगरपालिकाले विश्वकै लामो दाबी गर्दै गिनिज बुकमा दर्ता गराउन निवेदन दिएको छ । पुलले एकसाथ ६ सय १२ अर्थात ८५ मेट्रिक टन लोड धान्न सक्छ । पुलको नामाकरण संगै सो क्षेत्रमा आन्तरिक एवं वाहिय पर्यटकको आकर्षण बढ्ने समेत चर्चा सुरु हुन लागेको छ ।