वालिङ,१६ जेठ– नेपाल सरकारले आर्थिक वर्ष २०७८÷०७९ का लागि स्याङ्जालाई ४ अर्व ३४ करोड ७६ लाख बजेट विनियोजन गरेको छ ।
सरकारले शनिबार सार्वजनिक गरेको बजेट अनुसार जिल्लाका ११ पालिकालाई ४ अर्व ३४ करोड ७६ लाख रुपैयाँ विनियोजन भएको हो ।
जिल्लामा रहेका ५ नगरपालिकालाई २ अर्ब ५१ करोड २१ लाख र ६ ओटा गाउँपालिकाको लागि १ अर्ब ८३ करोड ५५ लाख रुपैयाँ विनियोजन गरेको अर्थमन्त्री विष्णु पौडेलले घोषणा गर्नुभएको हो ।
नगरपालिका तर्फ सबै भन्दा बढी रकम पुतली बजारलार्ई ५८ करोड ६४ लाख छ भने सबै भन्दा कम भीरकोट नगरपालिकालाई ३८ करोड ५१ लाख रुपैयाँ विनियोजन गरिएको छ ।
भने वालिङ नगरपालिकालाई ५७ करोड ६७ लाख, गल्याङलाई ५३ करोड ७९ लाख, चापाकोटलाई ४२ करोड ६० लाख र विनियोजन गरिएको छ ।
गाउँपालिकामा सबै भन्दा बढी कालीगण्डकीलाई ३५ करोड ६५ लाख र सबै भन्दा कम फेदीखोलालाई २४ करोड ३७ लाख रुपैयाँ छ ।
यसै गरी अर्जुनचौपारीलाई २७ करोड ६४ लाख, आँधीखोलालाई ३३ करोड ७८ लाख, विरुवालाई ३१ करोड ५ लाख र हरिनास गाउँपालिकालाई ३१ करोड ६ लाख रुपैयाँ विनियोजन गरिएको छ ।
विनियोजित रकम मध्ये समानीकरण अनुदान तर्फ १ अर्व १९ करोड ३० लाख रहेको छ भने सशर्त अनुदान तर्फ २ अर्व ८७ करोड ५८ लाख, समपूरक अनुदान १३ करोड ७१ लाख र विशेष अनुदान १४ करोड १७ रहेको अर्थमन्त्रालय वेबसाइटमा उल्लेख छ ।
विनियोजित रकम गत वर्षको भन्दा भन्दा ४० करोड ५४ लाख बढी रहेको छ । गत वर्ष समग्र जिल्लाको बजेट ३ अर्व ९४ करोड २२ लाख रहेको थियो ।