दयाराम डुम्रे

वालिङ,१५ जेठ– केही दिनदेखि लगातार परेको वर्षाका कारण स्याङ्जाका अधिकांस ग्रामीण सडकहरू अवरुद्ध भएका छन । सडक अवरुद्ध हुदा विरामीलाई अस्पताल सम्म पुर्याउनका साथै खाद्यान्न ओसार पसारमा समेत समस्या परेको छ ।

लगातारको वर्षाले बायाँटारी सेतिवेणी सड्क खण्डको वालिङ नगरपालिकाका १३ खानीडाँडा स्थित सरस्वती माध्यमिक विद्यालयको पर्खाल भत्किदा विद्यालयको संरचना झुन्डिएको छ । त्यसै गरी सिख्रेमा रहेको दलित बस्तिमा पहिरो जादा गाउँ उच्च जोखिममा परेको छ । कटौजेमा पहिरो जादा ७ घर जोखिममा रहेका छन भने डम्बरबहादुर जि टी को घरगोठ पहिरोका कारण झुन्डिएको छ । रातभरी वर्षाका कारण सुत्न नसकेको पहिरो पिडितहरूको गुनासो रहेको छ । सडक बिस्तार भएकै अवस्थामा लगातार परेको वर्षाका कारण त्यस क्षेत्रमा बढि पहिरो गएको समाजसेवी नमलाल डुम्रेले बताउनुभयो । जोखिममा रहेका घररूलाई सुरक्षित स्थानमा सार्ने विषयमा पहल गर्ने वडा अध्यक्ष आनन्द पाठकले बताउनुभयो । उहाले अहिले पलास्टिक र त्रिपालले केही छेक्नका लागि सहयोग गर्ने र बस्ति अवलोकन गरेर समस्या समाधानको लागि पहल गर्ने बताउनुभयो ।
अध्यक्ष पाठकले दुःखमा आफु संगै रहेको समेत बताउनुभयो । समाज सेवी नमलाल डुम्रेले सडक विस्तारका क्रममा घरहरू जोखिममा रहेपछि सडक निर्माणका ठेकदारलाई पर्खाल उठाउन अनुरोध गर्ने बताउनुभयो ।