पोखरा,५ जेठ– गण्डकी प्रदेशका मुख्यमन्त्री पृथ्वीसुब्बा गुरुङले मन्त्रीपरिषद विस्तार गर्नुभएको छ । आज भएको मन्त्रीपरिषद्को विस्तारमा पुरानै मन्त्रीलाई निरन्तरता दिइएको छ ।

प्रदेश प्रमुख सीताकुमारी पौडेलले किरण गुरुङ, विकास लम्साल, रामशरण बस्नेत र नरदेवी पुनलाई आज पद तथा गोपनीयताको सपथन गराउनुभएको हो । पुन नियुक्त हुनुभएका मन्त्रीहरुमा किरण गुरुङलाई आर्थिक मालिमा तथा योजना मन्त्रालयको जिम्मेवारी दिइएको छ भने अन्य मन्त्रीहरु रामशरण बस्नेत, विकास लम्साल र नरदेवी पुनको भने जिम्मेवारी कोकीएको छैन । यस अगाडि युवा तथा खेलकुद मन्त्रालयमा नियुक्त राजिव गुरुङ प्रदेश बाहिर रहेकाले बुधबारको सपथ ग्रहण कार्यक्रममा सहभागी हुनुभएको थिएन ।

मुख्यमन्त्री गुरुङ कोभिड– १९ बाट सङ्क्रमित भएकाले मुख्यमन्त्री नियुक्त भएको एक सातापछि मात्र मन्त्रीपरिषद् विस्तार गरिएको हो ।