राधिका पाैडेल

स्याङ्जा,७ असोज- लायन्स क्लब अफ स्याङ्जा पुतलीबजारले विद्यालयलाई स्टेशनरी सहयाेग गरेकाे छ।

संस्थाका पूर्व अध्यक्ष तथा सिनियर एओजी पिताम्बर गौतम ‘प्रकाश’को जन्मदिन तथा अन्तराष्ट्रिय सांकेतिक भाषा दिवसको अवसरमा पुतलीबजार नगरपालिका–३ स्थित चण्डी कालिका बहिरा विद्यालयमा स्टेशनरी सामग्री सहयोग गरेको हाे। गौतमले जन्मदिन र सांकेतिक भाषा दिवस मनाउने क्रममा विद्यालय पुगेर विद्यार्थीका लागि आवश्यक सामग्री सहयोग गर्नुभएकाे हाे।

कार्यक्रममा लायन्स क्लब इन्टरनेसनल ३२५ एमका सिनियर चिफ एडभाइजर श्रीबहादुर गुरुङले लायन्स क्लबको उद्देश्य, सामाजिक सेवामा क्लबको भूमिका तथा मानवीय सेवाका गतिविधिबारे जानकारी दिनुभएकाे थियाे। 

क्लबले बालबालिकाको पढाईमा सहयोग पुर्‍याउने उद्देश्यले सहयाेग गरिएकाे र यस्ता कार्यहरुलाई आगामी दिनमा पनि निरन्तरता दिने जनाएको छ।