अढाइ वर्षीय बालक जंगलमा बिताए तीन दिन

बोमलाल गिरी

नवलपुर,४ भदौ– भदौ २ गते बिहान ७ बजेको समय । न पानी न घाम । मौसम सामान्य थियो । नवलपुरको गैँडाकोट नगरपालिका –१४ की हेमकुमारी आले अरु दिन जस्तै घरभन्दा केहीमाथि रहेको शंखदेवी सामुदायिक वनमा च्याउ टिप्न जाने निधो गर्नुभयो । 

हसिया र सानो झोला भिरेर उहाँ अघि लाग्नुभयो । साढे दुई वर्षको नाती शिवान तामाङ रुदै आफ्नो पछि लागेको हेमकुमारीलाई पत्तै भएन । घरभन्दा केहीमाथि पुगेपछि नाताले शिवानका हजुरबुवा पर्ने एक जनाले सोध्नुभयो । बाबु कता जान लागेको ? हजुरआमा त अगाडि गइसक्नुभयो । 

शिवान केही नबोली अघि बढे । उनी हजुरआमालाई पच्छ्याउने प्रयासमा अघि बढे । जुन कुरा शिवानकी हजुरआमालाई पत्तै भएन । हजुरआमा जंगल जानुभयो, च्याउ टिप्नुभयो र घर फर्कनुभयो । सायद बाटो फरक परेछ होला, हजुरआमा र नातीको बाटोमा कतै भेट भएन । 

हजुरआमा घर फर्कदा नाती शिवान घरमा थिएनन् । सोधखोज भयो । गाउँभरी हल्ला भयो । गाउँलेले सम्भावित शिवान गएको हुन सक्ने बाटो पच्छ्याउँदै जंगलभरी खोजे । तर कतै भेटेनन् । 

फर्केर इलाका प्रहरी कार्यालय गैँडाकोटलाई खवर गर्दा दिउँसोको २ बजिसकेको थियो । गैँडाकोटले नजिकैको इलाका प्रहरी कार्यालय रजहर र अस्थायी प्रहरी पोष्ट बेल्डियालाई पनि खबर ग¥यो । शसस्त्र प्रहरी बललाई पनि जानकारी गराइयो । 

यति गर्दा झण्डै ५० जनाको प्रहरी टोली र झण्डै दुईसय जना स्थानीय गरी दुईसय ५० जनाको टोली शिवानलाई खोज्न जान तयार भए । टोलीले टर्च लाइट बालेर राति ८ बजे बजेसम्म खोजतलास ग¥यो । तर कतै पत्ता लागेन । निराश भएर टोली घर फक्र्यो । 

अर्को दिन भदौ ३ गते पनि सोही तालिका अनुसारको खोजतलास जारी रह्यो । दुई सय ५० जनाको टोलीले जंगलको हरेक कुना खोज्यो । अहँ ! शिवान कतै भेटिएनन् ।

भदौ ४ गते पनि अघिल्लो दिनजस्तै ठुलो संख्यामा खोजीका लागि नेपाल प्रहरी, शसस्त्र प्रहरी र स्थानीय गरी साढे दुईसय जनाको टोली परिचालन भए । खोज्न जाने सबैको मनमा एउटै कुरा खेलिरहेको थियो । शास नभए शिवानको लाश भए पनि भेट्न पाए हुन्थ्यो । 

तर खुशीको कुरा यो पटक (भदौ ४ गते बिहान १० बजे) शिवान भेटिए । गैँडाकोट–१४ स्थित शंखदेवी सामुदायिक वनको भागर खोलाको सिरानको कुनै कोप्चेरोमा रुदै गरेको अवस्थामा । सबै खुशी भए । बच्चासँग अंकमाल गरे । 

शिवानलाई तत्काल भरतपुरको सरकारी अस्पताल लगे । चेक जाँच गरियो । शरीरका विभिन्न भागमा फोका परेको बाहेक उनको स्वास्थ्यमा कुनै समस्या देखिएन । स्वास्थ्य सामान्य छ । ‘‘म भर्खरै शिवानलाई भेटेर आँए । उनी ठिक छन्, स्वास्थ्य अवस्था राम्रो छ । चिन्ता मान्नु पर्ने केही छैन’’ इलाका प्रहरी कार्यालय गैँडाकोटका इन्चार्ज, प्रहरी निरीक्षक लक्ष्मण गिरीले भन्नुभयो । शिवान भेटिएपछि परिवारका सदस्यहरु खुसी भएका छन् ।स्रोतःगोप

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal