वालिङ,६ पुस- जिल्ला सदरमुकाम स्थित बाडखाेलामा प्रधान कार्यालय रहेकाे सूर्योदय बचत तथा ऋण सहकारी संस्था लिमिटेडकाे २४ औं वार्षिक साधारण सभा तथा ८ औं अधिवेशन कार्यक्रम सम्पन्न भएकाे छ । 

संस्थामा १३ हजार बढी शेयर सदस्य रहेकाे सहकारीले जनाएकाे छ। शेयर सदस्यका आधारमा  जिल्लामै ठुलाे बचत तथा ऋणकाे काराेबार गर्ने सहकारी संस्था भएकाे सहकारीले दावी गरेकाे छ।

संस्थाले पुतलीबजार १ र ३, बिरुवा गाउपालिका बिरुवा, आँधीखाेला गाउपालिका जुग्ले र चापाकाेट नगरपालिका साखर गरि ५ वटा सेवा केन्द्र मार्फत सेवा दिदै आएकाे छ भने करिव ९० कराेड काराेबार ८ कराेड शेयरपूजी रहेकाे सहकारीका संस्थापक अनन्त कुमार श्रेष्ठले जानकारी दिनुभयाे।

संस्थाले ५ वटा सेवा केन्द्रमा एकै दिन साधारणसभा सम्पन्न गरेकाे जनाइएकाे छ। साधारण सभाकाे उद्घाटन गर्दै आँधीखाेला गाउँपालिका अध्यक्ष विश्व पाैडेलले सहकारीले छरिएर रहेकाे पुँञ्जीलाई एकीकृत गर्दै समग्र आर्थिक क्षेत्रमा ठुलाे याेग्दान पुर्यएकाे बताउदै सहकारीलाई अब जनताकाे दैनिकी संगै आयआर्जनकाे एउटा महत्पूर्ण क्षेत्रकाे रुपमा विकास गर्नुपर्नेमा जाेड दिनुभयाे।