वालिङ,१० कात्तिक- तिहारमा देउसी भैलाे खेल्ने कार्यक्रममा पुतलीबजार नगरपालिका ३ बाढखोलामा प्रहरीलाई अभद्र व्यवहार गरेकाे आराेपमा दुई जना युवालाई प्रहरीले पक्राउ गरेको छ ।

पक्राउ पर्नेहरुमा पुतलीबजार नगरपालिका ३ बाढखोला बस्ने ३० वर्षीय सौगिल गुरुङ र ३२ वर्षीय सौजन गुरुङ रहेकाे जिल्ला प्रहरी कार्यालय स्याङ्जाका प्रहरी निरीक्षक प्रवेश तिवारीले जानकारी दिनुभयो ।

कात्तिक ७ गते राति देउसी भैलो कार्यक्रम चलिरहेकाे समयमा  सुरक्षाकाे लागि खटिएका प्रहरीहरु सँग केही व्यक्तिहरूकाे विवाद भएकाे र सम्झाई बुझाई गर्ने क्रममा युवाले प्रहरीलाई अभद्र व्यवहार गरेकाे प्रहरीकाे भनाइ रहेकाे छ ।

घटनाबारे थप अनुसन्धान भइरहेको जिल्ला प्रहरी कार्यालय स्याङ्जाले जनाएकाे छ।