दुई पालिकामा प्राकृतिक चिकित्सा सम्बन्धी जनचेतनामूलक कार्यक्रम

सुशील सुवेदी
वालिङ,२२साउन–सामुदायिक प्राकृतिक चिकित्सालय, देवचुलीद्वारा स्याङजाको वालिङ र गल्याङ नगरपालिकामा प्राकृतिक चिकित्सा तथा योगको महत्वबारे जनचेतनामूलक कार्यक्रम सम्पन्न गरिएको छ ।
आहार–विहारमा आएको अव्यवस्था तथा तनावपूर्ण जीवनशैलीका कारण जनमानसमा दीर्घ रोगको समस्या दिनप्रतिदिन विकराल बन्दै गइरहेका बेला उक्त चिकित्सालयले नागरिकलाई जीवनशैली परिवर्तनमार्फत रोग मुक्त बनाउने उद्देश्यले यो कार्यक्रम सञ्चालन गरेको हो ।
रोगीलाई निरोगी र निरोगीलाई दीर्घजीवी बनाउने उद्धेश्यले कार्यक्रम आयोजना गरिएको चिकित्सालयका प्रमुख चिकित्सक डा.आजाद पुरीले बताउनुभयो । पुरीले भन्नुभयो,“मानिसलाई स्वस्थ राख्ने उद्धेश्यले देशभर अस्पतालहरु खोलिएका छन् । तर रोगीहरुको संख्या घट्नु पर्नेमा दिनानुदिन दिर्घरोगीको संख्या र नयाँ रोग बढ्न थालेको छ ।” यो दुःखद कुरा हो ।
वालिङ नगरपालिकाले पनि यसै वर्षबाट सामुदायिक वन , निजी र बाँझो जग्गामा जडिबुटी लगाउने योजना अघि सारेको नगर उपप्रमुख कविता तिवारी गैरेले जानकारी दिनुभयो । नगरले सामुदायिक विद्यालयलाई लक्षित गरेर यहाँ अध्ययन गर्ने विद्यार्थीहरुको लागि दैनिक योग अभ्यास शिविर संचालन गरिएको बताउनुभयो ।
चिकित्सालयका व्यवस्थापक हरि सापकोटाका अनुसार २०६० सालमा आफैंलाई एकसाथ ७ वटा रोगले समातेपछि उहाँले वैकल्पिक उपचारको बाटो रोज्दै २०६४ सालमा महायज्ञको आयोजना गरी ५२ शय्याको अस्पतालको रूपमा चिकित्सालयको स्थापना गर्नुभएको थियो । हाल सो अस्पतालको क्षमता ३०० शय्यामा पुगेको छ । भने आगामी वर्षदेखि योग तथा नेचुरोपेथी शिक्षण अस्पतालका रूपमा विस्तार गर्ने लक्ष्य रहेको सापकोटाले जानकारी दिनुभयो ।
हालसम्म झण्डै ६० हजारजना जटिल, जिर्ण तथा असाध्य रोगबाट पीडित बिरामीले नयाँ जीवन प्राप्त गरिसकेका छन् । कोभिड–१९ को महामारीका क्रममा पनि चिकित्सालयले ८०० जना संक्रमित लाई राखी शत–प्रतिशत नतिजा हासिल गरेपछि नेपाल सरकारबाट राष्ट्रिय सम्मानसमेत प्राप्त गर्न सफल भएको थियो ।
यस वर्ष गण्डकी प्रदेशका ११ जिल्लाका ८५ स्थानीय तहमा ‘भान्सा नै औषधालय, जीवनशैली नै उपचार’ भन्ने नारासहित जनचेतनामूलक महाअभियान सञ्चालन गरिएको छ । यही अभियानअन्तर्गत चालु आर्थिक वर्ष २०८२/८३ को पहिलो चरणको कार्यक्रम स्याङजाबाट सुरु गरिएको देवचुली नगरपालिकाका नगरप्रमुख हरि प्रसाद न्यौपानेले बताउनुभयो ।
कार्यक्रमको उद्देश्य नागरिकलाई प्राकृतिक चिकित्सा, योग, स्वस्थ आहार र जीवनशैलीमा सुधार ल्याई जटिल, जिर्ण तथा असाध्य रोगहरूबाट बचाउने हो । आगामी वर्षदेखि यो अभियानलाई विस्तार गर्दै ७५३ वटै स्थानीय तहसम्म पुर्‍याउने लक्ष्य रहेको चिकित्सालयले जनाएको छ ।

ताजा

आज हरिबोधिनी एकादशी

२०८३ मंसिर ४ गते, शुक्रबार

आज हरिबोधिनी एकादशी

२०८३ मंसिर ४ गते, शुक्रबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal