वालिङ,२९पुस- भूमि समस्या समाधान आयोग स्याङ्जाकाे अध्यक्षमा तारा कुमारी शर्मा नियुक्त हुनुभएकाे छ। पुतलीबजार नगरपालिका वडा नम्बर १४ निवासी शर्मा आज भएकाे मन्त्री स्तरिय निर्णय अनुसर आयाेगकाे अध्यक्षमा नियुक्त हुनुभएकाे हाे। 

आयाेगले जिल्लामा भूमिहीन दलित भूमिहीन सुकुम्वासी तथा अव्यवस्थित बसाेबासिकाे समस्या समाधानका लागि कार्य गर्नेछ। 

भूमि व्यवस्था, सहकारी तथा गरिबी निवारण मन्त्री बलराम अधिकारीले तीन वर्षभित्र भूमि समस्या स्थायीरूपमा समाधान हुने बताउनुभएकाे छ ।

मन्त्री अधिकारीले भूमि समस्या समाधान आयोगका जिल्ला अध्यक्षहरूलाई ३ वर्षभित्र सबै जिल्लामा देखिएका भूमि सम्बन्धि समस्या स्थायीरूपमा समाधान गर्ने गरी काम गर्न समेत निर्देशन दिनुभएकाे छ ।