वालिङ,२९पुस- क्षयरोग उपचार केन्द्र पोखराले जिल्ला स्वास्थ्य कार्यालय स्याङ्जा र विरुवा गाउँपालिकाकाे समन्वयमा एक्सरेद्वारा छातीरोग सम्बन्धी खोजपडताल शिवर सोमबार सम्पन्न गरेको छ ।

एकदिने शिविरमा क्षयरोग उपचार केन्द्र पोखराका निर्देशक डाक्टर सुनिलराज गौतमले समुदायमा लुकेर रहेका र छातीरोग त्यसमा पनि क्षयरोग छ कि छैन भन्ने खोजपडताल गर्ने उद्देश्यले शिविर सञ्चालन गरिएको बताउनुभयो । शहरी क्षेत्र भन्दा गाउँहरुमा परीक्षण सेवा लिन कुर्नुपर्ने वा गाह्रो हुने ठाउँहरुमा केन्द्रिकृत रहेर कार्यक्रम गरिएकाे डाक्टर गौतमले जानकारी गराउनुभयो । विशेषगरी लिएर हिड्न मिल्ने अत्याधुनिक मिशिनबाट छातीको एक्सरे गरिने छ । परीक्षणमा क्षयरोग स्पष्ट देखिएकाहरुलाई औषधी सुरु गराइने छ । यसका साथै सम्भावितहरुको हकमा सेम्पल जम्मा गरेर पोखरा लैजाने र क्षयरोग पुष्टी भएमा आवश्यक सल्लाहसहित औषधी खान सुरु गराइने डाक्टर गौतमले बताउनुभयो ।कार्यक्रमको शुभारम्भ गर्दै गाउँपालिकाका अध्यक्ष सूर्यबहादुर कुँवरले हामीलाई छातीरोग लागेको छ कि छैन भनेर पत्ता लगाउने शिविर भएको बताउनुभयो । छातीसम्बन्धी समस्याका लागि हामी पोखरालगायत टाढा जानुपर्ने अवश्था छ, त्यसैले यो अवसरबाट बन्चित नहुन गाउँबासीहरुलाई अध्यक्ष कुँवरले आग्रह गर्नुभयो । सहजिकरणमा सहयोग गर्ने जिल्ला स्वास्थ्य कार्यालय स्याङ्जा एवम् स्थानीय स्वास्थ्यकर्मीहरुलाई उहाँले धन्यवाद व्यक्त गर्नुभयो ।

बिरुवामा आज भएको एकदिने शिविरमा २ सय ८५ जनाको परीक्षण भएकोमा १ जना पुरुषमा मात्र क्षयरोग देखिएको छ । क्षयरोग देखिएका पुरुषलाई आजैदेखि औषधी खान सुरु गराइएको छ ।

केन्द्रले हिजो आइतबार अर्जुनचौपारी गाउँपालिकामा शिविर सञ्चालन गरेको थियो । अर्जुनचौपारीमा जम्मा ५ सय १० जनाको परीक्षण भएको फोकल पर्शन राजेन्द्र रानाभाटले जानकारी गराउनुभयो । यसमध्ये ६ जनामा क्षयरोग देखिएको छ भने ३७ जनाको सेम्पल गह्रौं प्राथमिक अस्पताल वालिङ पठाइएको छ । उहाँका अनुसार मङ्सिर १९ गते भीरकोट नगरपालिका र २० गते वालिङमा भैसकेको छ भने माघ ६ र ७ गते पर्वतको पैयूँ गाउँपालिका शिविर सञ्चालन गरिने छ ।