वालिङ,१२असोज-वालिङ नगरपालिकाका प्रमुख कृष्ण खांणले वालिङमा अहिलेसम्म भएका विकास निर्माणमा नगरबासीको महत्वपूर्ण भूमिका रहेको बताउनुभएको छ । जनताले नै चुनेर जनप्रतिनिधिको रुपमा स्थानीय, प्रदेश केन्द्रमा पठाएको बताउदै जनप्रतिनिधिले सोही भावनालाई आत्मसात गरेर काम गर्नुपर्ने बताउनुभयो ।
बिहीबार वालिङ ९ भुम्रेमा ढुंगे धाराको उद्घाटन गर्दै नगरप्रमुख खांणले आफुहरु समग्र वालिङको विकासमा लागिपरेके समेत बताउनुभयो ।

परम्परागत कला संस्कृतिको संरक्षण गर्नुपर्ने भन्दै शहरीकरणले हराउँदै जान थालेको ढुंगे धाराको संरक्षणका लागिी यो योजनाले महत्वपूणर् भूमिका निर्वाह गरेको नगरप्रमुख खांणले बताउनुभयो । वालिङको पहिचानका रुपमा रहेका यस्ता ऐतिहासिक, परम्परागत संस्कार संस्कृतिको संरक्षण र संर्वद्धनका लागि नगरपालिका प्रतिवद्ध रहेको उहाँले बताउनुभयो ।
कार्यक्रममा उपप्रमुख कविता तिवारीले स्मार्ट सिटिको रुपमा अगाडि बढ्दै गरेको वालिङमा हाम्रा मौलिकपनालाई संरक्षण गर्दै अगाडि बढिने बताउनुभयो ।
आधुनिकिकरणसंगै मौलिकपनालाई पनि भुल्न नहुँनेमा उपप्रमुख तिवारीको जोड छ ।
कार्यक्रममा वडा नं. ९ का अध्यक्ष शेरबहादुर श्रेष्ठले केन्द्र सरकारको सहयोगमा झण्डै ४० लाखको लागतमा निर्मित ढुंगे धाराको महत्वको विषयमा जानकारी गराउनुभएको थियो ।
उक्त धाराबाट वालिङ ९ र १०का नागरिक तथा भुम्रे भकुण्डे बजारलगायतका स्थानीय प्रत्यक्ष लाभान्वित भएका छन् ।