गृह मन्त्रालय आफ्नो कमी कमजोरी ढाकछोप गर्न न्वारानदेखिको बल लगाइरहेको छ, प्रेस चौतारी


काठमाडौँ,४ साउन-प्रेस चौतारी नेपालले अध्यक्ष गणेश बस्नेतविरुद्ध उपप्रधान तथा गृहमन्त्री नारायणकाजी श्रेष्ठको सचिवालयबाटै साइबर क्राइममा भएको उजुरी दर्तालाई गम्भीर रुपमा लिएको जनाएको छ । महासचिव हिरामान लामाले एक विज्ञप्ति जारी गर्दे नेपाल प्रहरीको साइबर ब्यूरोमा उजुरी दर्ता गरिएको घटनाप्रति घोर भर्त्सना गर्नुभएको छ ।

बस्नेतले सामाजिक सञ्जाल फेसबुकमा लेखेको विषयलाई लिएर उहाँ माथि साइबर क्राइममा उजुरी दर्ता गरिएको थियो ।

आज जारी गरिएको विज्ञप्तिमा भनिएको छ, ‘त्रिभुवन अन्तर्राष्ट्रिय विमानस्थलको सबै सुरक्षा जाँच पास गरी ठूलो परिमाणमा भएको सुन तस्करी गृह नेतृत्वसहित उच्च अधिकारीहरूको संलग्नताबिना सम्भव नहुने विषयमा दिइएको अभिव्यक्तिलाई लिएर गृहमन्त्रीकै सचिवालयका सदस्यले नै प्रहरीमा उजुरी दिनु आपत्तिजनक काम एवं सत्ता उन्मादको चरम रूप हो भन्ने हाम्रो सङ्गठनको ठहर छ ।’

बस्नेतले सामाजिक सञ्जाल फेसबुकमा लेख्नुभएको थियो, ‘मलाई आएको सूचना यस्तो छ,’गृहमन्त्रीले पास गराएको सुन अर्थमन्त्रीले समाते ।’ मैले सोधेँ-कसरी ? जवाफ आयो, खोज्नोस्, सत्य यही हो ।’ अब कसरी पत्याउनु ? नारायणकाजी कमरेड जस्तो त्यागी, एक रुपैयाँ आम्दानी नभए पनि दैनिक ५० हजार खर्च गरेर हिँड्न सक्ने त्यागी गृहमन्त्री भएको बेला यस्तो होला भनेर ।’

प्रेस चौतारीले गृहमन्त्री श्रेष्ठले आफ्नै सचिवालयबाट फोन गराएर अध्यक्ष बस्नेतलाई प्रहरीले पक्राउ गर्‍यो भनेर समाचार लेखाउनु र समाचार लेखाएपछि सचिवालयकै सदस्यले प्रहरीमा उजुरी दिनु भनेको गृह मन्त्रालय आफ्नो पक्षबाट कमी कमजोरी भएको र त्यो घटना ढाकछोप गर्न न्वारानदेखिको बल लगाइरहेको टिप्पणी गरेको छ ।

‘सार्वजनिक पद धारण गरेका व्यक्तिले आफूमाथि उठाइएको विषयमा प्रस्ट पार्नुपर्छ । सुन तस्करी प्रकरणमा गृह मन्त्रालयको तर्फबाट स्पष्ट जवाफ दिनुको साटो हाम्रो सङ्गठनका अध्यक्षलाई फसाउने षड्यन्त्रसहित प्रहरीमा उजुरी दर्ता गराउनुले कतै ‘स्याल कराउनु र बाख्रा हराउनु’ जस्तै भएको त होइन ? भन्ने गम्भीर प्रश्न पनि उठेको छ । ’ विज्ञप्तिमा भनिएको छ ।

गृह मन्त्रालय नेपाली प्रेस र आम नागरिकलाई आतङ्कित पारेर/त्रासमा राखेर निरङ्कुश एवं अधिनायकवादी शासन चलाउने अभ्यासमा त छैन भन्ने गम्भीर आशङ्का पैदा भएको चौतारीले जारी गरेको विज्ञप्तिमा उल्लेख गरिएको छ ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal