वालिङ,४ साउन- वालिङमा एसईईमा उत्तीर्ण विद्यार्थीहरुलाई सम्मान एवम् करियर काउन्सिलिङ गरिएको छ । अनेरास्ववियु वालिङ नगर कमिटीले शैक्षिक सत्र २०७९ मा एसईईमा उत्तीणर् विद्यार्थीहरुलाई सम्मान एवम् करियर काउन्सिलिङ कार्यक्रम गरेको हो ।

कार्यक्रमको उद्घाटन गर्दै नेकपा एमाले गण्डकी प्रदेश उपाध्यक्ष मोहन रेग्मीले विद्यार्थीहरुले प्रतिस्पर्धामा पहिलो बन्ने प्रयास गर्नुपर्ने बताउनुभयो । गण्डकी प्रदेशका विधायन समितिका पूर्व सभापतिसमेत रहनुभएका रेग्मीले २१ औं शताव्दी टेक्नोलोजीको शताव्दी भएकाले विद्यार्थीहरुले समयको मागलाई बुझेर प्रतिस्पर्धामा अव्वल बन्नेगरी अध्ययनलाई अगाडि बढाउनुपर्नेमा जोड दिनुभयो । आ-आफ्नो क्षमताका आधारमा विषय छनौट गरेर उच्च शिक्षा हासिल गर्न आग्रह गर्दै नेता रेग्मीले गन्तव्य प्राप्तीका लागि निरन्तर लाग्नुपर्ने उल्लेख गर्नुभयो ।
विद्यार्थी हकहीतका सन्दर्भमा अनेरास्ववियुले उल्लेखनीय योगदान गरेको नेता रेग्मीले बताउनुभयो । विद्यार्थीको हकहीतका पक्षमा नेकपा एमाले सधैं उभिने उहाँको भनाई छ । नेकपा एमालेले अगाडि सारेका कुराहरुलाई अवलम्वन गर्न आग्रह गर्दै नेता रेग्मीले सकारात्मक हुन आवस्यक रहेको कुरा औंल्याउनुभयो ।
कार्यक्रममा एसईईमा उत्तीर्णवालिङ क्षेत्रका विद्यार्थीहरुलाई प्रशंसा पत्रसहित सम्मान गरिएको थियो ।