पोखरा,२१ साउन- सातौँ कञ्चन पत्रकारिता पुरस्कार २०८३ बाट कास्कीका पत्रकार खेम सारु मगर र स्याङ्जाका पत्रकार गोपाल बहादुर जिटी सम्मानित हुनुभएकाेे छ । 

फोनिज गण्डकीले आयोजना गरेको कार्यक्रममा पत्रकारद्वय सारु र जिटीलाई कास्कीका प्रमुख जिल्ला अधिकारी कुमानसिंह गुरुङ, पुरस्कारदाता बिमलमान गुभाजूलगायतले नगद २५÷२५ हजार रुपैयाँसहित सम्मानपत्रले सम्मान गर्नुभएकाे हाे। 

स्व.वेदमान गुभाजू तथा आमा स्व.नेत्रकुमारी गुभाजूको स्मृतिमा समाजसेवी एवं व्यवसायी बिमलमान गुमाजूद्वारा स्थापित पुरस्कार फोनिजको २७ औँ स्थापना दिवसका अवसरमा फोनिज गण्डकीले प्रदान गरेको हो ।

कार्यक्रममा पुरस्कृत पत्रकारद्वय सारु र जिटीले संचार क्षेत्रमा थप जिम्मेवारिका साथ लाग्न प्रोत्साहन मिलेको बताउनुभयाे।

सम्मानित  पत्रकार सारु विगत ३ दशक देखि कास्कीको पोखरामा रहेर रेडियाे नेपाल क्षेत्रृय कार्यालय पाेखरामा कार्यरत हुनुहुन्छ भने जिटी स्याङ्जामा विगत २ दशक यता पत्रकारिता क्षेत्रमा क्रियाशील रहेहनुभएकाे छ । प्रेस चाैतारी नेपाल गण्डकी प्रदेश सचिव समेत रहनुभएका जिटी पछिल्लाे समय प्रमाण न्यूज मिडियामा आवद्ध हुनुहुन्छ।

कार्यक्रममा प्रमुख अतिथि कास्कीका प्रमुख जिल्ला अधिकारी गुरुङ, नवनियुक्त पोखरा प्रज्ञा प्रतिष्ठान उपकुलपति तिलप्रसाद पुन ‘तिलक’, गण्डकी प्रज्ञा प्रतिष्ठानका सदस्य कमलप्रसाद पौडेल, पोखरा प्रज्ञा प्रतिष्ठानका सदस्य एवं फोनिजका सदस्य रवीन्द्र माकाजू र पुरस्कारदाता बिमलमान गुभाजूलाई आयोजकका तर्फबाट फोनिज गण्डकीका अध्यक्ष खिमा गुरुङले सम्मान गर्नुभएको थियो । 

कार्यक्रममा प्रज्ञा प्रतिष्ठान कास्कीका परिषद् सदस्य रवीन्द्र माकाजूले स्व.वेदमान गुभाजू तथा आमा स्व.नेत्रकुमारी गुभाजूका विषयमा जानकारी गराउनुभएकाे थियाे।