वालिङ,१८ असार- बिरुवा गाउँपालिकाले राष्ट्रिय सम्मान प्राप्त गरेकाे छ।  

नेपाल सरकार युवा, श्रम तथा रोजगार मन्त्रालयले तोकेका सबै सूचकहरु पूरा गरी बाल श्रम मुक्त पालिका घोषणा गर्न सफल भएको भन्दै स्याङ्जाकाे बिरुवा गाउँपालिकाका अध्यक्ष सूर्य बहादुर कुँवर सम्मानित हुनुभएाे हाे। आज कनठमाडाैँमा आयाेजित कार्यक्रममा बिरुवा गाउँपालिका सहित देश भरिका १३ वटा स्थानीय तहलाई युवा, श्रम तथा रोजगार मन्त्रालयले राष्ट्रिय सम्मान प्रदान गरेको हाे ।

बिहीबार यवा, श्रम तथा रोजगार मन्त्री रामजी यादवले एक कार्यक्रमका बिच पालिका प्रमुखहरुलाई सम्मान गर्नुभएकाे हाे।

सम्मानित भएपछि बिरुवा गाउँपालिकाका अध्यक्ष सूर्य बहादुर कुँवरले याे सम्मानले काम गर्ने थप हाैसला मिलेकाे बताउदै सिङ्गाे गाउँपालिकाकाे लागि याे महत्पूर्ण कार्य भएकाे बताउनुभयाे।